| e-texts navigator |
| Wylie |
180a1 ན་གྲོང་ཁྱེར་གྱི་མི་ཀུན་ཆོས་ཉན་དུ་ཆས་པ་དང་། གྲོང་དེ་ན་བྲམ་ཟེ་ལོང་བ་གཅིག་ཅིག་ལམ་ཀ་ན་འདུག་པ་ལས་མི་མང་པོ་སོང་བ་ལས། ཁྱེད་མྱུར་བར་གར་འདོང་ཞེས
180a2 དྲིས་སོ། ། མི་རྣམས་ཀྱིས་སྨྲས་པ། ཁྱོད་ནི་མ་ཐོས་སམ། དེ་བཞིན་གཤེགས་པ་འཇིག་རྟེན་དུ་བྱུང་སྟེ། ད་ལྟར་ཡུལ་འདི་ན་བཞུགས་ཤིང་ཆོས་སྟོན་ཏོ།། དེ་བཞིན་གཤེགས་པ་འཇིག
180a3 རྟེན་དུ་བྱུང་བ་དང་ཕྲད་པར་ཤིན་ཏུ་དཀའ་བས། བདག་ཅག་ནི་སངས་རྒྱས་ལ་ཆོས་ཉན་དུ་འགྲོའོ་ཞེས་སྨྲས་སོ།། བྲམ་ཟེ་དེ་སྐད་རྣམ་པ་བརྒྱད་ལ་ཤིན་ཏུ་མཁས་པ་ཞིག་སྟེ། སྐད་ཕྱུང་བ་ཙམ
180a4 གྱིས་དབང་ཐང་དང་ཚེ་ཇི་ཙམ་པ་རྟོགས་སོ། ། བརྒྱད་གང་ཞེ་ན། བྱ་བང་ལྟ་བུའི་སྐད་དང་། ཁྭ་ལྟ་བུའི་སྐད་དང་། སྐད་འཛེར་འཛེར་པོ་དང་། གླང་པོ་ཆེའི་སྐད་དང་། རྔའི་སྐད་དང་།
180a5 འབྲུག་གི་སྐད་དང་། དྲིལ་སྐད་དང་། ཚངས་པའི་སྐད་དང་བརྒྱད་དོ།། བྱ་བང་ལྟ་བུའི་སྐད་དུ་སྨྲ་བ་ནི་ཁྲེལ་ལྟས་མེད་དེ། བྱས་པ་དྲིན་དུ་མི་གཟོའོ།། ཁྭ་ལྟ་བུའི་སྐད་དུ་སྨྲ་བ་ནི་ཁྲོ
180a6 ཞིང་གཏུམ་ལ་གསོད་པ་ལ་དགའ་ཞིང་སྙིང་རྗེ་མེད་དོ། ། སྐད་འཛེར་འཛེར་པོ་ནི་ཕོ་དག་མོ་སྐད་དུ་སྨྲ་བ་དང་། མོ་དག་ཕོ་སྐད་དུ་སྨྲ་བ་སྟེ། དེ་ནི་དབང་ཐང་མེད་ཅིང་དབུལ་བ་དང་མ་རབས་སོ།།
180a7 གླང་པོ་ཆེའི་སྐད་དུ་སྨྲ་བ་ནི་རང་བཞིན་གྱིས་དྲང་ཞིང་གཉེན་བཤེས་ལ་ཕན་འདོགས་པར་སེམས་སོ།། རྔ་སྐད་དུ་སྨྲ་བ་ནི་སྒྲ་མཁས་བློ་མྱུར་ལ་རིག་པ་འཛིན་ཏེ་རྒྱལ་པོའི་སྟོན་པའོ།། འབྲུག་སྐད་དུ་སྦ་བ
iiif viewer powered by OpenSeadragon
