| e-texts navigator |
| Wylie |
17a1 ད་ལྟར་འདི་འབའ་ཞིག་གི་དུས་སུ་གསོས་པར་མ་ཟད་ཀྱི། སྔོན་འདས་པའི་དུས་ན་ཡང་ངའི་བཀའ་དྲིན་གྱིས་གསོས་སོ།། ཀུན་དགའ་བོས་གསོལ་པ། བཅོམ
17a2 ལྡན་འདས་སྔོན་འདས་པའི་དུས་ན་ཡང་མ་སྨད་གསུམ་པོ་འདི་ཇི་ལྟར་གསོས་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ།
17a3 སྔོན་འདས་པའི་བསྐལ་པ་གྲངས་མེད་པའི་སྔ་རོལ་ན། འཛམ་བུ་གླིང་འདི་ན་རྒྱལ་པོ་ཤིང་རྟ་ཆེན་པོ་ཞེས་བྱ་བ་ཞིག་ཡོད་དེ། རྒྱལ་ཕྲན་ལྔ་སྟོང་སྙེད་ལ་དབང་བྱེད་དོ།། རྒྱལ་པོ་དེ་ཡང་སྲས་གསུམ
17a4 མངའ་སྟེ། རབ་ནི་སྒྲ་ཆེན་པོ་ཞེས་བྱའོ།། འབྲིང་ནི་ལྷ་ཆེན་པོ་ཞེས་བྱའོ།། ཐ་ཆུང་ནི་སེམས་ཅན་ཆེན་པོ་ཞེས་བྱ་སྟེ། སྲས་ཐ་ཆུང་དེ་ཆུང་ངུ་ནས་བྱམས་པ་དང་སྙིང་རྗེར་ལྡན་ཏེ། ཐམས
17a5 ཅད་ལ་བུ་གཅིག་པ་དང་འདྲའོ། ། དེའི་ཚེ་རྒྱལ་པོ་དེ་བློན་པོ་དང་བཅས། བཙུན་མོ་དང་སྲས་སུ་བཅས་ཏེ་ཕྱི་རོལ་ཏུ་འཆག་ཅིང་དོང་བ་ལས། ཅུང་ཟད་ཅིག་ངལ་བསོ་བའི་བར་དུ་སྲས་གསུམ་པོ
17a6 ཚལ་གྱི་ནང་དུ་དོང་དོང་བ་ལས་སྟག་མོ་གཅིག་པུ་བྱུང་ནས་ཞག་དུ་མ་ལེན་པ་བཀྲེས་སྐོམ་པས་ཉེན་ཏེ། ཕྱིར་ཡང་བུ་ཟོས་ལ་ཐུག་པ་ཞིག་མཐོང་ནས་རྒྱལ་བུ་ཐ་ཆུང་དེས། ཕུ་བོ་གཉིས་ལ
17a7 སྤྲསྨྲས་པ་སྟག་མོ་འདི་ཤིན་ཏུ་སྡུག་བསྔལ་གྱིས་གཟིར་ཏེ་ཉམ་ཆུང་ལ་རིད་པས་ཤི་ལ་ཐུག་པ་འདི་བུ་བྱུང་མ་ཐག་པ་ཡང་བོས་སུ་འོང་ངོ་ཞེས་སྨྲས་པ་དང་། ཕུ་བོ་གཉིས་ཀྱིས་ཁྱོད་ཟེར་བ
iiif viewer powered by OpenSeadragon
