| e-texts navigator |
| Wylie |
179b1 པོ་ལྔ་བཅུ་པོ་འདི་ཚིག་ངན་པ་སྨྲས་པས། སྐྱེ་བ་ལྔ་བརྒྱའི་བར་དུ་རྟག་ཏུ་སྤྲང་པོར་གྱུར་ཏོ།། འགྱོད་ཚངས་བྱས་ཏེ་སྨོན་ལས་བཏབ་པས། ང་དང་ཕྲད་དེ་འཁོར་བའི་མཐར་ཕྱིན་ཏེ།
179b2 རྒྱལ་བུ་འདི་ལྟར་རིག་པར་བྱའོ།། དེའི་ཚེ་དེའི་དུས་ན་ཁྱིམ་བདག་ཕྱུག་པོ་སྡུམས་བྱེད་དེ་ནི་ང་ཡིན་ནོ།། བང་མཛོད་སྲུང་བ་དེ་ནི་རྒྱལ་བུ་རྒྱལ་བྱེད་ཡིན་ནོ།། ཉིན་གཅིག
179b3 བཞིན་དུ་སྤྱན་འདྲེན་པ་དེ་ནི་རྒྱལ་པོ་ཨུ་ཏྲ་ཡ་ན་ཡིན་ནོ། ། དེའི་ཚེ་ཁྱི་དེ་ནི་ཁྱིམ་བདག་སྐད་སྙན་ཡིན་ཏེ། དེའི་དབང་གིས་སྐྱེ་བ་ཐམས་ཅད་དུ་སྐད་སྙན་པར་གྱུར་ཏོ།། དེའི་ཚེ་ན་ལས་བྱེད་པའི
179b4 མི་ལྔ་བརྒྱ་པོ་ནི། དགྲ་བཅོམ་པ་ལྔ་བརྒྱ་པོ་འདི་དག་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོ་རྣམས་ཁ་ཅིག་གིས་འབྲས་བུ་དང་པོ་ཐོབ་པ་ནས།
179b5 འབྲས་བུ་བཞི་པའི་བར་དུ་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར་དགའ་འོ།།
179b6 ཁྱིམ་བདག་སྡུམས་བྱེད་ཀྱི་ལེའུ་སྟེ་སུམ་ཅུ་བཞི་པའོ།། ། བམ་པོ་བཅུ་པ།། རྒྱལ་པོ་མིག་འབྱེད་ཀྱི་ལེའུའོ།། འདི་སྐད་བདག་གིས་ཐོས
179b7 པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། སྐྱེ་བོ་མང་པོ་ལ་དམ་པའི་ཆོས་སྟོན་ཏོ།། དེའི་ཚེ
iiif viewer powered by OpenSeadragon
