| e-texts navigator |
| Wylie |
179a1 སྐད་ཆེན་པོ་ཕྱུང་སྟེ་ཟུག་པ་དང་། དྲང་སྲོང་དེ་དག་ཀྱང་ཁྱི་ཐུགས་པ་ཐོས་ནས། གདུགས་ཚོད་ལ་བབ་པར་ཤེས་ཏེ་བསོད་སྙོམས་ལ་གཤེགས་སོ།། ཕྱི་ཞིག་ན
179a2 དྲང་སྲོང་དེ་དག་བསོད་སྙོམས་ཀྱི་བྱ་བ་བྱས་ནས། ཁྱིམ་བདག་ལ་འདི་སྐད་ཅེས་སྨྲས་སོ།། ཁྱིམ་བདག་ད་ནི་ཆར་པ་འོང་གིས། ཞིང་པ་དག་ཞིང་གི་ལས་བྱེད་དུ་ཆུག་ཅིག་ཅེས་བསྒོ་བ་དང་། ཁྱིམ
179a3 བདག་གིས་ཀྱང་ཞིང་པ་རྣམས་ཞིང་ལས་བྱེད་དུ་བཅུག་སྟེ། ནས་དང་། གྲོ་དང་། འབྲུ་མང་ཞིག་རྨོས་སོ།། དེ་ནས་ཕྱི་ཞིག་ན་འབྲུ་རྨོས་པའི་རྣམས་ཐམས་ཅད་ཀུ་བར་སྐྱེས་ནས་ཁྱིམ་བདག
179a4 ཡ་མཚན་དུ་གྱུར་ཏེ། དྲང་སྲོང་རྣམས་ལ་འདི་དག་དོན་མེད་པར་མི་འགྱུར་རམ་ཞེས་སྨྲས་པ་དང་། དྲང་སྲོང་གིས་སྨྲས་པ། དོན་མེད་པར་མི་འགྱུར་གྱིས། དུས་སུ་ཆུ་བཅུ་པ་ལ་སོགས
179a5 ཏེ་ལས་བྱོས་ཤིག་ཅེས་སྨྲས་སོ། ། ཕྱིས་རིང་པོ་མ་ལོན་པར་ཀུ་བ་ཀུན་ཆེར་སྐྱེས་ནས་བཀས་ཏེ་བལྟས་ན། ཅི་དང་ཅི་སྨོས་པ་བཞིན་དུ་དེ་དང་དེ་དག་ཀུ་བའི་ནང་ཀུན་གང་བར་སྐྱེས་ཏེ། ཁྱིམ
179a6 བདག་རབ་ཏུ་དགའ་མགུ་ནས། བང་བ་ཀུན་ཀྱང་གང་བར་གྱུར་ཏོ།། ལས་བྱེད་པའི་མི་ལྔ་བརྒྱ་པོ་ཡང་དེ་ལྟ་བུ་དག་མཐོང་ནས་འགྱོད་པའི་སེམས་སྐྱེས་ཏེ། བདག་ཅག་གིས་ནི་ཚིག་ངན་པས
179a7 འཕགས་པ་ལ་སྨད་དོ་ཞེས་འགྱོད་ཚངས་བྱས་ཏེ། སོ་སོ་ནས་བདག་ཅག་ཀྱང་མ་འོངས་པའི་དུས་ན། འཕགས་པ་དང་ཕྲད་ཅིང་རྣམ་པར་གྲོལ་བར་གྱུར་ཅིག་ཅེས་སྨོན་ལམ་བཏབ་བོ།། སྤང
iiif viewer powered by OpenSeadragon
