| e-texts navigator |
| Wylie |
178b1 དེ་ན་ཁྱིམ་བདག་ཕྱུག་པོ་ལོངས་སྤྱོད་དང་ལྡན་པ་སྡུམས་བྱེད་ཅེས་བྱ་བའི་དྲུང་དུ་སོང་སྟེ། ཁྱིམ་བདག་དེ་ལ་བདག་ཅག་རབ་ཏུ་བྱུང་བ་སྟོང་པོ་འདི་དག་གི་ལོ་བཅུ་གཉིས་ཀྱི་བར་དུ་ཟས་དང་སྐོམ
178b2 ཡོད་དམ། དེས་སྨྲས་པ། བདག་ཅག་ལ་མཆིས་ཀྱིས། འཕགས་པ་རྣམས་གུད་དུ་མི་གཤེགས་པར་བཞུགས་སུ་གསོལ་ལོ།། དེ་ནས་དྲང་སྲོང་སྟོང་ཡང་དེར་ལྷགས་ནས། ཁྱིམ
178b3 བདག་སྡུམས་བྱེད་ལ། བདག་ཅག་ཀྱང་ལོ་བཅུ་གཉིས་ཀྱི་བར་དུ་ཟས་དང་སྐོམ་དགོས་སོ་ཞེས་སྨྲས་པ་དང་། ཁྱིམ་བདག་གིས་བང་མཛོད་བསྲུང་བ་ལ། འཕགས་པ་འདི་རྣམས་ཀྱི
178b4 འཚོ་བ་ལོ་བཅུ་གཉིས་ཀྱི་བར་དུ་འབྱོར་ཏམ་ཞེས་དྲིས་ན། མཛོད་སྲུངས་ཀྱིས་འབྱོར་ཏོ་ཞེས་གསོལ་ནས། ཁྱིམ་བདག་དེས་དྲང་སྲོང་ཉིས་སྟོང་གི་འཚོ་བ་སྦྱོར་བའི་ལས་མི་ལྔ་བརྒྱ་བསྐོས
178b5 ནས་བསོད་སྙོམས་སྦྱོར་དུ་བཅུ་གོ། དེའི་ཚེ་ན་ལས་མི་དག་བསོད་སྙོམས་ཀྱི་གཡོས་བྱེད་པ་ལ་ཡུན་རིངས་པས་སྐྱོ་སྟེ་འདི་སྐད་ཅེས་སྨྲས་སོ།། བདག་ཅག་འདི་ལྟར་རྟག་ཏུ་ཉོན་མོངས་པར
178b6 གྱུར་པ་ནི། སྤྲང་པོ་འདི་དག་གི་ཕྱིར་རོ་ཞེས་སྨྲས་སོ།། དེའི་ཚེ་ན་ཁྱིམ་བདག་གིས། གདུགས་ཚོད་ལ་རྟག་ཏུ་སྤྱན་འདྲེན་པའི་ལས་མི་གཅིག་ཅིག་བསྐོས་སོ།། སྤྱན་འདྲེན་དེ་ལ་ཁྱི
178b7 ཞིག་ཡོད་དོ། ། ཁྱི་དེ་ཡང་རྟག་ཏུ་སྤྱན་འདྲེན་གྱི་ཕྱི་བཞིན་དུ་འགྲོ་བ་ལས། ཉིན་གཅིག་སྤྱན་འདྲེན་པ་བརྗེད་པ་དང་། ཁྱི་དེ་གདུགས་ཚོད་ཀྱི་དུས་སུ་དྲང་སྲོང་དེ་དག་གི་དྲུང་དུ་སོང་ནས
iiif viewer powered by OpenSeadragon
