| e-texts navigator |
| Wylie |
178a1 ནི་བསམ་གྱིས་མི་ཁྱབ་སྟེ། སྤྲང་པོ་འདི་དག་ནི་ཡུལ་འདི་ན་ཤིན་ཏུ་ཡང་རིགས་ཆུང་ཞིང་ངན་པ་ལགས་ན། འདིར་འཇིག་རྟེན་འདིའི་བདེ་བ་ཡང་ཐོབ་ལ
178a2 ཡུན་རིང་པོའི་དོན་ཡང་རྙེད་པར་གྱུར་ཏེ། བཅོམ་ལྡན་འདས་འཇིག་རྟེན་དུ་གཤེགས་པ་ནི་དོན་འདི་དག་འབའ་ཞིག་གི་སླད་དུ་གཤེགས་སོ།། གཞན་ཡང་བཅོམ
178a3 ལྡན་འདས་སྤྲང་པོ་འདི་དག་སྔོན་དགེ་བའི་རྩ་བ་ཅི་བསྲུངས་ཤིང་། བསོད་ནམས་ཀྱི་ལས་གང་ལ་ནན་ཏན་བགྱིད་པས། བཅོམ་ལྡན་འདས་དང་ཕྲད་དེ་རྣམ་པར་གྲོལ་བར་གྱུར། སྡིག
178a4 པ་ཅི་བགྱིས་ན་ཐོག་མ་བཙས་ནས་སྤྲང་པོར་སྐྱེས་ཏེ་དབུལ་འཕོངས་པར་གྱུར། བཅོམ་ལྡན་འདས་ཀྱིས། རྒྱལ་བུ་རྒྱལ་བྱེད་ལ་བཀའ་སྩལ་པ། སྔོན་འདས་པའི་བསྐལ་པ་ཚད་མེད
178a5 གྲངས་མེད་པ་བསམ་གྱིས་མི་ཁྱབ་པ་འདས་པའི་ཕ་རོལ་ན། འཛམ་བུའི་གླིང་འདིར་གྲོང་ཁྱེར་བཱ་རཱ་ནཱ་སེ་ཞེས་བྱ་བ་ན། རི་དྲང་སྲོང་ལྷགས་ཞེས་བྱ་བ་ལ། སྔོན་ཡང་སངས་རྒྱས་མང་པོ
178a6 བཞུགས་བཞུགས་ཏེ། སངས་རྒྱས་འཇིག་རྟེན་དུ་མ་གཤེགས་པ་ན་ཡང་། རང་སངས་རྒྱས་དག་དེ་ན་གནས་ཏེ། རི་དེ་ལ་རང་སངས་རྒྱས་མེད་ན་ཡང་། ལྔ་མངོན་པར་ཤེས་པའི་དྲང
178a7 སྲོང་དག་གནས་སོ། ། དེའི་ཚེ་ན་རི་དེ་ལ་དྲང་སྲོང་ཉིས་སྟོང་ཞིག་གནས་ཏེ། ཕྱི་ཞིག་ན་ལྟས་མཁན་དག་གིས་ལོ་བཅུ་གཉིས་ཀྱི་བར་དུ་ཆར་མི་འབབ་བོ་ཞེས་ལུང་བསྟན་པ་དང་། དེའི་ཚེ་ན་ཡུལ
iiif viewer powered by OpenSeadragon
