| e-texts navigator |
| Wylie |
177b1 ལོང་ལ། ཡོན་བདག་གི་ཁྱིམ་དུ་བར་ཤོག་ཅིག་ཅེས་བཀའ་སྩལ་ཏོ།། དགེ་སློང་དེ་དག་བཀའ་སྩལ་བ་བཞིན་དུ། དགྲ་བཅོམ་པའི་རྫུ་འཕྲུལ་གྱིས་བྱུང་གི་སྒྲ་མི་སྙན་དུ་སོ་སོ་ནས་འབྲས་ཀྱུ
177b2 ལྷུང་བཟེད་པ་ཀང་སྟེ། སྤྱོད་ལམ་མཛེས་པར་སྟེང་གི་ནམ་མཁའ་ལས་ངང་པའི་རྒྱལ་པོ་ལྟར་རྒྱལ་བུ་རྒྱལ་བྱེད་ཀྱི་ཁྱིམ་དུ་ལྷགས་ནས་རིམ་བཞིན་དུ་འཁོད་དེ་འབྲས་ལ་ཟའོ།།
177b3 དེའི་ཚེ་ན་རྒྱལ་བུ་རྒྱལ་བྱེད་ཀྱིས་དགེ་སློང་དེ་དག་སྤྱོད་ལམ་མཛེས་པར་རྫུ་འཕྲུལ་གྱི་སྟོབས་ཀྱིས་ནམ་མཁའ་ལས་འོངས་པར་མཐོང་ནས་ལྷག་པར་དགའ་རངས་ཏེ་ངོ་མཚར་རྨད་དུ་གྱུར་ནས། བཅོམ
177b4 ལྡན་འདས་ལ་འདི་ལྟ་བུའི་འཕགས་པ་གཟི་བརྗིད་དང་ཡོན་ཏན་དུ་ལྡན་པ་སྤྱོད་ལམ་མཛེས་པར་ལྷགས་པ་ཕྱོགས་གང་ནས་མཆིས་ཞེས་གསོལ་པ་དང་། བཅོམ་ལྡན་འདས་ཀྱིས། རྒྱལ
177b5 བུ་རྒྱལ་བྱེད་ལ་འདི་སྐད་ཅེས་བཀའ་སྩལ་ཏོ། ། འདི་དག་ཤེས་པར་འདོད་ན་ལེགས་པར་ཉོན་ཅིག་དང་། ཁྱོད་ལ་བསྟན་པར་བྱའོ།། དགེ་སློང་འདི་དག་ནི་རྒྱལ་བུས་མ་བོས་པའི་དགེ་སློང
177b6 དག་ཡིན་ཏེ། རྒྱལ་བུས་མ་བོས་པས་སོ་སོ་ནས་བྱང་གི་སྒྲ་མི་སྙན་ནས་འབྲས་བླངས་ནས་ཟ་བ་ཡིན་ནོ།། དེ་ནས་རྒྱལ་བུ་རྒྱལ་བྱེད་ཀྱིས་དེ་སྐད་ཅེས་གསུངས་པ་ཐོས་ནས་ཤིན་ཏུ་ངོ་ཚ་ཞིང
177b7 འགྱོད་དེ། བདག་ནི་གཏི་མུག་གིས་ལྡོངས་པས། འཕགས་པའི་ངོ་མ་འཚལ་ཏོ་ཞེས་སྨྲས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་ཡོན་ཏན
iiif viewer powered by OpenSeadragon
