| e-texts navigator |
| Wylie |
174b1 དང་རྟ་དང་། གོས་དང་། ཁང་ཁྱིམ་དང་། ཞིང་འབྲོག་དང་། གསེར་དངུལ་དང་། རིན་པོ་ཆེ་དང་། བྲན་པོ་དང་། བྲན་མོ་དང་། ལས་བྱེད་པའི་མི་ལ་སོགས་ཏེ། བྱ
174b2 དགའ་མང་དུ་བྱིན་ནས། རྩེ་གཅིག་ཏུ་བདེ་ཞིང་སྐྱིད་པར་བྱས་སོ།། དེ་ནས་རྒྱལ་པོ་རིན་ཆེན་གོ་ཆའི་ཕོ་ཉ་ཡང་དེར་ཕྱིན་ནས། རྒྱལ་པོ་ལི་ཤི་བར་གྱིས་གླང་པོ་ཆེ་ལྔ་བརྒྱ་ཙམ་རིན་པོ་ཆེས་བརྒྱན
174b3 ཏེ། གཡོག་ལྔ་བརྒྱ་དང་། བུ་མོའི་གཡོག་གཞོན་ནུ་ལྔ་བརྒྱ་དང་། ཤིང་རྟ་ལྔ་བརྒྱ་སྙེད་ཀྱང་བརྫངས། རྒྱལ་པོ་ཉིད་ཀྱང་བློན་པོ་དང་བཅས་ཏེ། འཁོར་བརྒྱ་སྟོང་དུ་མས་རོལ་མོ
174b4 སྣ་ཚོགས་བྱས་ཏེ་བུ་མོ་བསྐྱལ་ཏོ། ། ཕོ་ཉ་སླར་ཕྱིན་ནས་རྒྱལ་པོ་རིན་ཆེན་གོ་ཆ་ཡང་། བཙུན་མོའི་འཁོར་དང་བཅས་ཏེ་རྒྱལ་བུ་བསུའོ།། རྒྱལ་བུ་དང་ཕྲད་པའི་ཚེ་བཞོན་པ་ལས་བབས
174b5 ནས་ཕ་མ་ལ་ཕྱག་འཚལ་ཏེ། ལག་པ་ནས་འཇུས་ཏེ་བསྙུན་གསོལ་ནས། རོལ་མོ་བྱས་ཏེ་ཕོ་བྲང་དུ་སོང་ངོ་།། དེ་ནས་རྒྱལ་བུ་དགེ་དོན་གྱིས་སྡིག་དོན་ག་རེ་ཞེས་སྨྲས་པ་དང་།
174b6 ད་ལྟར་བཙོན་དུ་བཟུང་ངོ་ཞེས་སྨྲས་སོ།། དེ་ནས་རྒྱལ་བུ་སྡིག་དོན་ཐོང་ཞིག་ཅེས་གསོལ་པ་དང་། ཉེས་པ་ཆེན་པོ་བྱས་ཀྱིས་བཏང་མི་རུང་ངོ་ཞེས་བསྒོའོ།། དེ་ལྟར་རྒྱལ་བུ་སྡིག
174b7 དོན་མ་བཏང་ན། བདག་ཀྱང་ཕོ་བྲང་དུ་མི་མཆིའོ་ཞེས་གསོལ་ནས། སྡིག་དོན་ཡང་བཏང་ངོ་།། དེ་ནས་སྡིག་དོན་ཡང་ཕུ་བོ་ལ་ཕྱག་འཚལ་ཞིང་བསུར་འོངས་ནས། སྤུན་གཉིས
iiif viewer powered by OpenSeadragon
