| e-texts navigator |
| Wylie |
173a1 མ་འགྱུར་ཏེ་འོང་དུ་མ་བཏུབ་བོ། ། དེ་ནས་རྒྱལ་པོ་བུ་མོ་ལ་བྱམས་པས་ངོ་མ་ཟློགས་ནས་གཉིས་ཀ་བ་སུ་སྟེ། ཕོ་བྲང་གི་ནང་དུ་ཁྲིད་ནས་ཤུག་ཏུ་བསྡུས་སོ།།
173a2 དེ་ནས་ཞག་དུ་མ་ཞིག་ལོན་པ་དང་། བུ་མོ་ཉིན་པར་ནི་རྟག་ཏུ་སོང་། ནུབ་མོ་ཕྱིར་འོང་བས། རྒྱལ་བུ་དོགས་པ་སྐྱེས་ཏེ། ཆུང་མ་ལ་འདི་སྐད་ཅེས་སྨྲས་སོ།། ཁྱོད་བདག་གི་ཆུང་མ་བྱ་ཞེས།
173a3 ཤུག་ཏུ་འདུས་ན། ཉིན་པར་ནི་རྟག་ཏུ་འགྲོ། མཚན་མོ་འབའ་ཞིག་ནི་ཕྱིར་འོང་ན། འདིར་མི་རྟག་པ་ལས་ན། ཁྱོད་གཞན་དུ་སེམས་པ་ཡོད་དུ་ངེས་སོ་ཞེས་སྨྲས་པ་དང་། བུ་མོས
173a4 དམ་བཅས་པ། བདག་ལ་ཁྱོད་འབའ་ཞིག་སེམས་ཏེ། བསམ་པ་གཞན་པ་སྤུ་ཙམ་ཡང་མེད་དོ།། བདག་གིས་སྨྲས་པའི་ཚིག་བདེན་ན། བདེན་པར་སྨྲས་པ་འདིས་ཁྱོད་ཀྱི
173a5 མིག་ཡ་གཅིག་གིས་མཐོང་བར་ཤོག་ཅིག་ཅེས་སྨྲས་མ་ཐག་ཏུ། མིག་ཡ་གཅིག་མཐོང་བར་གྱུར་ཏོ།། དེ་ནས་གཏམ་དེ་དག་གླེངས་ནས། རྒྱལ་བུ་ལ་ཁྱོད་ཀྱིས་ཕ་མ་ཡུལ་གང་ན་འདུག
173a6 ཅེས་དྲིས་པ་དང་། རྒྱལ་བུས་ཆུང་མ་ལ་སྨྲས་པ། ཁྱོད་ཀྱི་རྒྱལ་པོ་རིན་ཆེན་གོ་ཆ་ཞེས་བྱ་བ་ཞིག་ཐོས་སམ། ཆུང་མས་སྨྲས་པ། བདག་གིས་ཐོས་སོ།། འོ་ན་དེ་ནི་བདག་གི་ཕ
173a7 ཡིན་ནོ། ། རྒྱལ་བུ་དགེ་དོན་ཞེས་བྱ་བ་ཐོས་སམ། ཆུང་མས་སྨྲས་པ། ཐོས་སོ།། འོ་ན་རྒྱལ་བུ་དགེ་དོན་དེ་ནི་བདག་ཡིན་ནོ་ཞེས་སྨྲས་པ་དང་། ཆུང་མ་དངངས་ནས། འོ་ན་ཁྱོད
iiif viewer powered by OpenSeadragon
