| e-texts navigator |
| Wylie |
16b1 ཞིང་རབ་ཏུ་དགའ་བ་སྐྱེས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། ཞབས་ལ་སྤྱི་བོས་ཕྱག་འཚལ་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
16b2 བཅོམ་ལྡན་འདས་ཀྱི་བཀའ་དྲིན་ཆེན་པོས་བདག་ཅག་གི་ཚེ་སྲོག་ལྷག་མ་ཙམ་ཞིག་ལུས་པར་གྱུར་ན། ལྷའི་གཙོ་བོ་ཐུགས་བརྩེ་བར་དགོངས་ཏེ། བདག་ཅག་ཆོས་ལ་རབ་ཏུ་འབྱུང་བར་ཅི་གནང
16b3 ཞེས་གསོལ་པ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ་གོས་ཀྱང་ངུར་སྨྲིག་ཏུ་གྱུར་ཏོ།། དེ་དག་ཤིན་ཏུ་དང་པོའི་སེམས་བརྟན
16b4 པར་གྱུར་ནས། བཅོམ་ལྡན་འདས་ཀྱིས་ཅི་རིགས་པའི་ཆོས་བསྟན་པས་རྡུལ་དང་དྲི་མ་ཟད་དེ་དགྲ་བཅོམ་པར་གྱུར་ཏོ།། དེའི་མ་རྒན་མོ་ཡང་ཆོས་ཐོས་པས་ལན་ཅིག་ཕྱིར་མི་ལྡོག་པ་ཐོབ་པར
16b5 གྱུར་ཏོ། ། དེའི་ཚེ་ཀུན་དགའ་བོས་དེ་ལྟ་བུའི་དངོས་པོ་ངོ་མཚར་ཆེ་བ་དག་མཐོང་ནས། དེ་བཞིན་གཤེགས་པ་ནི་ཡོན་ཏན་དེ་སྙེད་ཅིག་མངའ་འོ་ཞེས་བསྒྲགས་ཏེ། ཡང་འདི་སྙམ་དུ་རྒན་མོ་མ
16b6 སླང་གསུམ་པོ་འདིས་སྔོན་ལེགས་པ་ཅི་ཞིག་བགྱིས་ན། བཅོམ་ལྡན་འདས་དང་ཕྲད་དེ་ཉེས་པ་ཆེན་པོ་ལས་ཀྱང་ཐར་ལ། མྱ་ངན་ལས་འདས་པའི་བདེ་བ་ཐོབ་ནས། ལུས་གཅིག་གིས་ཕན་པ་དང
16b7 བདེ་བའི་དོན་ཐོབ་པ་ལེགས་སོ་སྙམ་བསམས་པ། བཅོམ་ལྡན་འདས་ཀྱིས་མཁྱེན་ནས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། མ་སྤང་གསུམ་པོ་འདི་ནི་ངས
iiif viewer powered by OpenSeadragon
