| e-texts navigator |
| Wylie |
164b1 མཁས་པ་ནི་བུ་ཡོད་པར་ཤེས། བུ་ཕོར་ཤེས། བུ་མོར་ཤེས་ཏེ། བདག་ལ་ངེས་པར་བུ་ཕོ་ཡོད་དོ་ཞེས་རྒྱལ་པོ་ལ་སྨྲས་ནས། རྒྱལ་པོས་ཀྱང་བཙུན་མོའི་རིམ་གྲོ་བསྐྱེད་དེ། ཟླ་བ
164b2 དགུ་ཚང་ནས་བུ་ཁྱེའུ་གསེར་གྱི་མདོག་ཅན་སྒྲ་མཐོན་མཐིང་ལྟར་འདུག་པ། མཚན་དང་ལྡན་པ་ཅིག་བཙས་སོ།། རྒྱལ་པོ་རབ་ཏུ་དགའ་ནས་བཙས་སྟོན་བྱས་ཏེ། མཚན་མཁན་གྱིས
164b3 མཚན་བལྟས་ནས། བུའི་མིང་ཡང་དགེ་དོན་དུ་བཏགས་སོ།། དེ་ནས་ཡང་བཙུན་མོ་གཅིག་ཀྱང་སེམས་ཅན་དང་ལྡན་པར་གྱུར་ཏེ། དྲང་སྲོང་ཅིག་ཤོས་ཀྱང་ཚེའི་དུས་བྱས་ནས་བཙུན་མོ་དེའི
164b4 མངལ་དུ་སྐྱེས་སོ། ། དེ་ནས་ཡང་བཙས་སྟོན་བྱས་ཏེ། མཚན་མཁན་གྱིས་མཚན་བལྟས་ནས། ཁྱེའུའི་མིང་སྡིག་དོན་དུ་བཏགས་སོ།། རྒྱལ་པོ་བུ་ལ་བྱམས་ཤིང་སྡུག་པས། བུ
164b5 འདུག་པའི་གནས་དབྱར་དགུན་དང་། སྟོན་དཔྱིད་སོ་སོར་བྱས་ཏེ། བགས་ཀྱིས་ཆེར་སྐྱེས་ནས། རིག་པ་བཅོ་བརྒྱད་ལ་སོགས་ཏེ། གཙུག་ལག་ཐམས་ཅད་ལ་མཁས་པར་གྱུར་ཏེ། བྱིས
164b6 དགེ་དོན་གྱིས་རྒྱལ་པོ་ལ་གསོལ་ཏེ། བདག་ཕྱི་རོལ་ཏུ་འཆག་ཅིང་ལྟད་མོ་ལྟར་འགྲོའོ་ཞེས་བྱས་པ་དང་། དེའི་ཕ་མས་ཀྱང་བུ་འཆག་ཏུ་འགྲོའོ་ཞེས་ལམ་སྲང་ཕྱག་བདར་བྱེད་དུ་བཅུག་སྟེ།།
164b7 རྒྱལ་མཚན་དང་བ་དན་བསྒྲེང་ནས་མེ་ཏོག་གིས་གཏོར་ཏེ། བདུག་སྤོས་ཀྱིས་བདུག་པ་ལ་སོགས་པ་ཡོ་ལང་བཤམས་ནས། དགེ་དོན་གླང་པོ་ཆེ་རིན་པོ་ཆེ་སྣ་བདུན་གྱིས་བརྒྱན་པ་ལ་བསྐྱོན་ཏོ།།
iiif viewer powered by OpenSeadragon
