| e-texts navigator |
| Wylie |
163b1 བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་དགེ་སློང་ཆེན་པོའི་དགེ་འདུན་དང་ཐབས་ཅིག་ཏུ་བཞུགས་སོ།། དེའི་ཚེ་ན་ཚེ་དང་ལྡན་པ་ཀུན་དགའ་བོས་ལྷ་སྦྱིན་གྱིས་ཐབས་རྣམ་པ་སྣ་ཚོགས
163b2 ཀྱིས་དེ་བཞིན་གཤེགས་པ་ལ་གནོད་པ་བྱ་བར་བསམས་ཀྱང་། དེ་བཞིན་གཤེགས་པ་ནི་ལྷ་སྦྱིན་དང་སྒྲ་གཅན་འཛིན་གཉིས་ལ་མི་འདྲ་བ་མེད་པར་དགོངས་ཏེ། རྟག་ཏུ་དེ་ལ་ཐུགས་བརྩེ
163b3 བར་དགོངས་ནས། བཅོམ་ལྡན་འདས་ལ་ཞུས་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ལྷ་སྦྱིན་འདིས་དུས་འདི་ཉིད་ན་ང་ལ་གནོད་སེམས
163b4 བསྐྱེད་པར་མ་ཟད་དེ། སྐྱེ་བ་གཞན་དུ་ཡང་ང་ལ་གནོད་སེམས་བསྐྱེད་དོ།། དགེ་སློང་དག་ཐེ་ཚོམ་དུ་གྱུར་ནས། ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས
163b5 གསོལ་ཏོ། ། ལྷ་སྦྱིན་འདིས་སྐྱེ་བ་གཞན་དག་ན། བཅོམ་ལྡན་འདས་ལ་གནོད་པ་ཇི་ལྟར་བགྱིས་ཞེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས
163b6 བཀའ་སྩལ་ཏོ། ། སྔོན་འདས་པའི་དུས་བསྐལ་པ་གྲངས་མེད། ཚད་མེད། དཔག་ཏུ་མེད། བསམ་གྱིས་མི་ཁྱབ་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་རིན་ཆེན་ཀོ་ཆ་ཞེས་བྱ།
163b7 བ་རྒྱལ་ཕྲན་ལྔ་བརྒྱ་ལ་དབང་བྱེད་པ་ཞིག་བྱུང་ངོ་།། དེ་ལ་བཙུན་མོ་དང་ཕོ་བྲང་སླས་ལྔ་བརྒྱ་སྙེད་ཡོད་ཀྱང་བུ་མེད་དེ། ཉི་ཟླའི་ལྷ་ལ་སོགས་ཏེ། ལྷ་ཐམས་ཅད་ལ་གསོལ་བ་བྱས
iiif viewer powered by OpenSeadragon
