| e-texts navigator |
| Wylie |
162b1 བར་དད་དེ། སོ་སོ་ནས་གྲོགས་དང་འཁོར་ལྔ་བརྒྱ་ལྔ་བརྒྱ་རྙེད་ནས་སྔ་ཕྱིར་ལམ་དུ་ཞུགས་སོ།། ལམ་རིང་བས་ན་ཞག་བདུན་གྱི་གནས་སུ་མ་ཕྱིན་པར་བརྒྱགས་ཆད་དེ་སྲོག་དང་བྲལ་དུ་ཉེ་ནས
162b2 ལེགས་འཚོལ་དང་གྲོགས་ཚོང་པ་རྣམས་ཉམ་ཐག་སྟེ། ཐམས་ཅད་ལྷ་རྗེད་ཅིང་། ལྷ་རྣམས་ལ་མཆོད་པ་བྱེད་དོ།། དེ་ནས་འབྲོག་སྟོང་དེ་ན་རྒྱང་མ་ནས་སྐྱེད་ཤིང་བཟང་པོ་གཅིག་མཐོང་ནས།
162b3 ཐམས་ཅད་སྐྱེད་ཤིང་གི་དྲུང་དུ་ལྷགས་པ་དང་། ཤིང་གི་དྲུང་ན་ཆུ་མིག་བཟང་པོ་གཅིག་ཀྱང་ཡོད་དེ། ཚོང་པ་རྣམས་ཆུ་མིག་དེ་ལ་འཐུངས་ནས། བདག་ཅག་གི་ལྷ་མཆོད་པའི་རྟགས་འདིའོ།
162b4 ཞེས་སྨྲས་པ་དང་། ལྷ་མངོན་དུ་སྨྲ་སྟེ་སྐྱེད་ཤིང་གི་ཡལ་ག་ཆོ་ག་ཅིག་དང་། འདོད་པ་ཐམས་ཅད་འབྱུང་ངོ་ཞེས་བསྒོའོ།། དེ་ནས་ཡལ་ག་གཅིག་བཅག་པ་དང་། བཏུང་བ་ཞིམ་པོ་བྱུང་ངོ་།། །
162b5 དེ་ནས་ཡལ་ག་གཅིག་བཅག་པ་དང་། ཁ་ཟས་རོ་བརྒྱ་དང་ལྡན་པ་ཐམས་ཅད་བྱུང་ནས། དེ་དག་ཀུན་གྱིས་ཚིམ་པར་ཟོས་སོ།། ཡང་ཡལ་ག་གཅིག་བཅག་པ་དང་། གོས་རྣམ་པ་སྣ
162b6 ཚོགས་བྱུང་ངོ་། ། དེ་ནས་ཡལ་ག་གཅིག་བཅག་པ་དང་། ནོར་བུ་རིན་པོ་ཆེ་སྣ་ཚོགས་བྱུང་སྟེ། ཁལ་ཐམས་ཅད་ལོངས་སོ།། དེ་ནས་ཉེས་འཚོལ་ལ་སོགས་པ་ཡང་དེར་ལྷགས་ཏེ
162b7 སྔ་མས་ཡལ་ག་བཅག་པ་ལས། རིན་པོ་ཆེ་སྣ་ཚོགས་ཁལ་ལོངས་པ་རྙེད་པ་མཐོང་ནས། འདི་སྙམ་དུ་བསམས་སོ།། སྔ་མ་འདི་དག་གིས་ཡལ་ག་ལས་ཀྱང་རིན་པོ་ཆེ་ཆོག་པར་རྙེད་ན། ཤིང
iiif viewer powered by OpenSeadragon
