| e-texts navigator |
| Wylie |
161a1 ཤར་ཕྱོགས་ནས་རང་སངས་རྒྱས་ཉི་ཁྲི་སྙེད་རྒྱལ་པོའི་ཕོ་བྲང་དུ་གཤེགས་སོ།། ལྷོ་དང་། ནུབ་དང་། བྱང་ཕྱོགས་སུ་ཡང་དེ་བཞིན་དུ་གསོལ་བ་དང་། དེ་དག་ཀྱང
161a2 སོ་སོ་ནས་རང་སངས་རྒྱས་ཉི་ཁྲི་སྙེད་རྒྱལ་པོའི་ཕོ་བྲང་དུ་གཤེགས་སོ། ། དེ་ནས་རྒྱལ་པོ་དང་བློན་པོ་རྣམས་ཀྱིས་ཡོ་བྱད་རྣམ་བཞི་སྦྱར་ཏེ་མཆོད་པ་བྱས་སོ།། དེ་ནས་རྒྱལ་ཕྲན་བརྒྱད་ཁྲི་བཞི་སྟོང
161a3 སྙེད་ཕྱིར་ཡུལ་དུ་འགྲོ་བར་གསོལ་ཏེ། ཕྱི་ཕྱག་འཚལ་བ་ན། རྒྱལ་ཕྲན་རྣམས་ཀྱིས་འཕགས་པ་རྣམས་ལ། ཤས་ཀྱི་བདག་ཅག་ཀྱང་མཆོད་པར་འཚལ་ཏེ། བསོད་ནམས་བགྱིའོ་ཞེས
161a4 གསོལ་པ་དང་། རྒྱལ་པོ་དང་བློན་པོ་རྣམས་ཀྱིས་ལོ་བརྒྱད་ཁྲི་བཞི་སྟོང་གི་བར་དུ། རང་སངས་རྒྱས་བརྒྱད་ཁྲི་ལ་ཡིད་བཞིན་དུ་མཆོད་ནས། ཚེའི་དུས་བྱས་ནས་མཐོ་རིས་ཀྱི་ལྷར་སྐྱེས་སོ།།
161a5 དགེ་སློང་དག་དེའི་ཚེ་རྒྱལ་པོ་མེ་ལོང་གདོང་དེ་ནི་ད་ལྟར་ང་ཡིན་ནོ།། རྒྱལ་པོ་དེའི་ཕ་ནི་ངའི་ཡབ་ཟས་གཙང་མ་ཡིན་ནོ།། བཙུན་མོ་ཆེན་མོ་དེ་ནི་ངའི་ཡུམ་ལྷ་མཛེས་ཡིན་ནོ།། རྒྱལ་པོ་ལྔ་བརྒྱ
161a6 ནིཤཱཀྱའི་རིགས་ལྔ་བརྒྱ་ཡིན་ནོ། ། དེའི་ཚེ་ན་ཡང་ཐམས་ཅད་ཀྱི་མཆོག་གཙོ་བོར་གྱུར་ཏེ། ད་སངས་རྒྱས་ནས་ཀྱང་མཚན་དང་ལྡན་པའི་མཆོག་གཙོ་བོར་གྱུར་ཏོ།། འཁོར་མང་པོ་རྣམས་སངས
161a7 རྒྱས་ཀྱིས་གསུངས་པ་ལ་རྗེས་སུ་ཡི་རིངས་ནས་མངོན་པར་དགའ་འོ། ། རྒྱལ་པོ་མེ་ལོང་གདོང་གི་ལེའུ་སྟེ་སུམ་ཅུ་གཅིག་པའོ།། ། ལེགས་འཚོལ་དང་ཉེས་འཚོལ།
iiif viewer powered by OpenSeadragon
