| e-texts navigator |
| Wylie |
159b1 འདུག་ན་གཟི་བརྗིད་དང་མཐུར་ལྡན་པ་དང་། རྒྱལ་ཕྲན་རྣམས་ཀྱིས་བཀུར་སྟི་རིམ་གྲོ་ཆེར་བྱེད་དེ། བཙུན་མོ་དང་པོ་བྲང་སླས་རྣམས་ཀྱང་དེ་ལ་དགའ་ཞིང་ཕྱག་བྱེད་པ་དང་། ལྷ་རྣམས
159b2 ཀྱི་རྟེན་དུ་ཁྲིད་ན་ལྷ་རྣམས་ཀྱིས་ཕྱིར་ཕྱག་བྱ་བ་དང་། ཡོན་ཏན་དང་བསོད་ནམས་ཀྱི་མཐུས་རིན་པོ་ཆེ་སྣ་བདུན་གྱི་ཆར་འབེབས་ཤིང་ཐམས་ཅད་ཀྱི་ཡིད་ཚིམ་པར་བྱེད་པ་དང་། བཙུན་མོ
159b3 ཆེན་མོ་ལས་བཙས་པ་དང་བཅུ་སྟེ། ཡོན་ཏན་འདི་དག་དང་ལྡན་ན། རྒྱལ་པོར་དབང་སྐུར་ཅིག་ཅེས་བསྒོ་ནས། མི་རྟག་པ་མངོན་སུམ་དུ་གྱུར་ཏེ་ཚེ་འཕོས་སོ།། དེ་ནས་རྒྱལ་བུ་དང་།
159b4 བློན་པོ་རྣམས་འདུས་ཏེ། རྒྱལ་བུ་ནང་གི་ཆེན་པོ་ནས་མཐར་གྱིས་ཡོན་ཏན་བཅུ་གང་ལ་ཡོད་པ་བརྟགས་ན། རྒྱལ་བུ་གཞན་ཐམས་ཅད་ནི་ལུས་ཀྱང་གསེར་ལྟ་བུའི་མདོག་ཅན་མ་ཡིན།
159b5 སྒྲ་མཐོན་མཐིང་དུ་འདུག་པ་མ་ཡིན། ལག་པའི་མཐིལ་ན་འཁོར་ལོའི་མཚན་ཡོད་པ་མ་ཡིན། རྐང་པའི་མཐིལ་ན་གླང་པོ་ཆེ་དང་རྟའི་རི་མོ་ཡོད་པ་མ་ཡིན། རྒྱལ་པོའི་གོས་དང་འཚམ་པ
159b6 མ་ཡིན་རྒྱལ་པོའི་གདན་ལ་བཞག་པ་ན་དངངས་པ་ལྟར་འགྲེང་བར་གྱུར། རྒྱལ་ཕྲན་དང་བློན་པོ་རྣམས་བསྟི་སྟང་དང་ཕྱག་མི་བྱེད་དེ། བཙུན་མོ་དང་པོ་བྲང་སླས་རྣམས་དགའ་བ་དང
159b7 ཕྱག་བྱ་བ་མ་ཡིན། ལྷའི་རྟེན་དུ་ཁྲིད་ན་ལྷ་རྣམས་ཕྱག་བྱ་བ་མ་ཡིན། རིན་པོ་ཆེའི་ཆར་འབེབས་ནུས་པ་མ་ཡིན། བཙུན་མོ་ཆེན་མོའི་སྲས་ཀྱང་མ་ཡིན་ཏེ། རྒྱལ་བུ་ལྔ་བརྒྱ་ལས
iiif viewer powered by OpenSeadragon
