| e-texts navigator |
| Wylie |
157b1 ཏུ་བླངས་ནས་འདི་སྐད་ཅེས་སྨོན་ལམ་བཏབ་བོ། ། འཛམ་བུའི་གླིང་གི་མི་དག་ནི་དབུལ་འཕོངས་པ་ཤ་སྟག་སྟེ། དེ་དག་ལ་ཕན་གདགས་དགོས་ཀྱིས། ཡིད་བཞིན་གྱི་ནོར་བུ་རིན་པོ་ཆེ་ཡིན་ཏེ།
157b2 མི་བརྫུན་ན། སོ་སོ་ནས་ཅི་དང་ཅི་དགོས་པ་དེ་དང་དེ་དག་ཐམས་ཅད་ཡིད་བཞིན་དུ་ཆར་ལྟར་ཕོབ་ཅིག་ཅེས་སྨྲས་མ་ཐག་ཏུ་ཕྱོགས་བཞི་ནས་རླུང་ནག་པོ་གཡོས་ནས། དེ་མ་ཐག་ཏུ་མི་གཙང
157b3 བའི་ཉལ་ཉིལ་ཐམས་ཅད་འཕྱགས་ཏེ། ཆར་ཟིམ་བུ་མི་དྲག་པ་ཞིག་ཕབ་ནས། རྡུལ་མི་འཐུལ་པར་བྱས་པའི་འོག་ཏུ་ཐོག་མར་བཟའ་བ་དང་བཏུང་བ་རོ་བརྒྱ་དང་ལྡན་པ་རྣམ་པ་སྣ་ཚོགས་ཆར
157b4 བཞིན་དུ་བབ་བོ། ། དེ་ནས་འབྲུ་རྣམས་ཆར་བཞིན་དུ་བབ་བོ།། དེ་ནས་གོས་ཆར་བཞིན་དུ་བབ་བོ།། དེ་ནས་རིན་པོ་ཆེ་ཆར་བཞིན་དུ་བབ་སྟེ། འཛམ་བུའི་གླིང་ནི་རིན་པོ་ཆེའི་ཕུང་པོས་ཡོངས
157b5 གང་ནས་རིན་པོ་ཆེ་དག་གསེག་མ་འམ་གྱོ་མོ་ལྟ་བུར་བྱས་ཏེ། བྱང་ཆུབ་སེམས་དཔས་དེ་ལྟར་ཀུན་ཆོག་པར་བྱས་ནས། འཛམ་བུའི་གླིང་གི་མི་རྣམས་ལ་འདི་ཞེས་བསྒོའོ།། འཛམ་བུའི་གླིང
157b6 གི་སེམས་ཅན་དག་ནི་གོས་དང་། ཟས་དང་། ནོར་གྱི་ཕྱིར་གཅིག་ལ་གཅིག་གསོད་ཅིང་རྣམ་པ་སྣ་ཚོགས་ཀྱིས་གཙེས་པས། སྡིག་པ་མི་དགེ་བའི་ཆོས་འབའ་ཞིག་བྱེད་དེ། ཚེའི་དུས་བྱས
157b7 ནས་ངན་སོང་གསུམ་དུ་ལྷུང་སྟེ། མུན་པ་ནས་མུན་པར་འགྲོ་བས། བདག་ནི་དེ་དག་ལ་སྙིང་བརྩེ་བའི་ཕྱིར། རྒྱ་མཚོའི་བགེགས་དང་ཉོན་མོངས་པ་མང་དུ་ཁྱད་དུ་བསད་དེ། ཁྱེད་རྣམས་བདེ
iiif viewer powered by OpenSeadragon
