| e-texts navigator |
| Wylie |
157a1 ནོར་བུ་ཕྱིར་བླངས་ཏེ། ཕ་མའི་མིག་ཕྱིས་པ་ཙམ་གྱིས་ཇི་ལྟར་རླུང་དྲག་པོས་སྤྲིན་བུས་པ་བཞིན་དུ། ཕ་མ་གཉིས་ཀྱི་མིག་ཀྱང་གསལ་བར་མཐོང་བར་གྱུར་ཏོ།།
157a2 དེ་ནས་ཕ་མ་གཉིས་དགའ་སྟེ། འདི་ནི་ནོར་བུ་རིན་པོ་ཆེ་ཡིན་ཡང་དག་པ་ལྟ་སྟེ། ཉོན་མོངས་པའི་དོན་ཡོད་པར་གྱུར་ཏོ་ཞེས་སྨྲས་སོ།། དེ་ནས་ཡང་སྦྱིན་པ་ཆེན་པོས་རིན་པོ་ཆེ་ཐོགས་ཏེ།
157a3 ཁྱོད་ཡིད་བཞིན་གྱི་ནོར་བུ་རིན་པོ་ཆེ་ཡིན་ཡང་དག་ན། ཁོ་བོའི་ཕ་མའི་འོག་ཏུ་རིན་པོ་ཆེ་སྣ་བདུན་གྱི་གདན་འབྱུང་ཞིང་། རིན་པོ་ཆེའི་བླ་རེས་སྟེང་ཁེབས་པར་ཤོག་ཅིག་ཅེས་སྨོན་ལམ་བཏབ
157a4 མ་ཐག་ཏུ་དེ་བཞིན་དུ་གྲུབ་ནས། རྒྱལ་པོའི་བང་མཛོད་ཐམས་ཅད་ཀྱང་གང་བར་གྱུར་ཏོ།། དེ་ནས་རྒྱལ་པོས་ཕོ་ཉ་གཅིག་གླང་པོ་ཆེ་དཔག་ཚད་བརྒྱད་དུ་འགྲོ་བ་ཞིག་ལ་བསྐྱོན་ཏེ། འཛམ
157a5 བུའི་གླིང་གི་མི་ཐམས་ཅད་ལ་སྦྱིན་པ་ཆེན་པོས་རྒྱ་མཚོ་ནས་ཡིད་བཞིན་གྱི་ནོར་བུ་རིན་པོ་ཆེ་རྙེད་དེ། ནོར་བུ་ཡོན། ན་ཅན་དེས་ད་སྟེ་ཞག་བདུན་ན། རིན་པོ་ཆེ་ལ་སོགས་པ་གོས་དང་།
157a6 ཟས་དང་། དགོས་པའི་ཡོ་བྱད་ཐམས་ཅད་ཆར་བཞིན་དུ་འབེབས་ཀྱིས། སོ་སོ་ནས་ཅི་བདེ་བར་ལོང་ཞིག་ཅེས་བསྒྲགས་སོ།། དེ་ལྟར་ཀུན་ཏུ་བསྒྲགས་ནས། སྦྱིན་པ་ཆེན་པོ་ཁྲུས
157a7 བྱས་ཏེ་གོས་གསར་པ་བགོས་ནས། ག་ལའི་ཐང་བུ་མཉམ་པོར་རྒྱལ་མཚན་བཙུགས་ཏེ། ཡིད་བཞིན་གྱི་ནོར་བུ་རིན་པོ་ཆེ་རྒྱལ་མཚན་གྱི་རྩེ་མོ་ལ་བཏགས་ནས། བོག་པོར་ལག
iiif viewer powered by OpenSeadragon
