| e-texts navigator |
| Wylie |
156b1 གྲོགས་པོ་རྣམས་དང་བཅས་པ་ལ་དགའ་སྟོན་ཆེན་པོ་བྱས་སོ། ། དེའི་ཚེ་བྱང་ཆུབ་སེམས་དཔས་རིན་པོ་ཆེ་ཐོགས་ཏེ་ཁྱིམ་དུ་འོངས་པ་དང་། བྲམ་ཟེ་དེའི་བང་མཛོད་ཐམས་ཅད་ཡོངས་སུ་གང་བར
156b2 གྱུར་ཏོ། དེ་ནས་བྲམ་ཟེ་ཀ་པི་ལིས་རིན་པོ་ཆེ་སྣ་ཚོགས་ཀྱིས་བུ་མོ་བརྒྱན་ནས་རིན་པོ་ཆེའི་ཆུ་སྣོད་བསྐུར་ཏེ། བྱང་ཆུབ་སེམས་དཔའི་ལུས་དང་རྐང་ལག་བཀྲུས་ནས། བུ་མོའི་ལག་པ་ནས
156b3 བཟུང་སྟེ་བྱང་ཆུབ་སེམས་དཔའ་ལ་གཏད། བྱང་ཆུབ་སེམས་དཔས་ཀྱང་བཞེས་ནས། བྲམ་ཟེ་རབ་ཏུ་དགའ་སྟེ། བུ་མོའི་གཡོག་ཏུ་བུ་མོ་ལྔ་བརྒྱ་དང་། གླང་པོ་ཆེ་ལྔ་བརྒྱ་ཡང་རིན་པོ་ཆེས
156b4 བརྒྱན་ཏེ་རོལ་མོ་བྱས་ནས། བྱང་ཆུབ་སེམས་དཔའ་ལ་བརྫངས་སོ།། དེའི་ཚེ་ན་སྦྱིན་པ་ཆེན་པོའི་ཕ་མ་བུ་དང་བྲལ་བའི་འོག་ཏུ་རྟག་ཏུ་ངུ་བས། ཕ་མ་གཉིས་ཀའི་མིག་ལྡོངས་པར་གྱུར
156b5 ཏེ། བུ་རྒྱ་མཚོ་ནས་ལོག་པ་དང་ཕ་མ་དང་ཕྲད་ནས། བུས་ཕ་མ་ལ་ཕྱག་འཚལ་ཏེ། ལག་པ་ནས་འཇུས་ནས་བུ་ཡིན་པར་རྟོགས་སོ།། སྦྱིན་པ་ཆེན་པོ་ཁྱོད་ཀྱིས་ངེང་བོར་ཏེ་སོང
156b6 བའི་འོག་ཏུ་མིག་ཀྱང་ལྗོངས་སོ། ། ཁྱོད་རྒྱ་མཚོར་སོང་སོང་ནས་ཅི་རྙེད་ཅེས་དྲིས་པ་དང་། སྦྱིན་པ་ཆེན་པོས་ནོར་བུ་རིན་པོ་ཆེ་ཕའི་ལག་ཏུ་བྱིན་ཏེ། བདག་གིས་འདི་རྙེད་ངོ་ཞེས་སྨྲས་ནས།
156b7 ཕས་ལག་ཏུ་བླངས་ཏེ་བསྣམས་ནས། འདི་ལྟ་བའི་རྡོ་བ་ནི་ངའི་མཛོད་ན་སྔོན་ཡང་མང་དུ་ཡོད་ན། འདི་ལྟར་ཉོན་མོངས་པ་དང་བསྔོ་ཅི་དགོས་ཞེས་སྨྲས་སོ།། དེ་ནས་བྱང་ཆུབ་སེམས་དཔས
iiif viewer powered by OpenSeadragon
