| e-texts navigator |
| Wylie |
155b1 པ་དེས་འགྲོ་བ་ཐམས་ཅད་ལ་ཕན་པ་དང་བདེ་བ་བྱ་བར་བསམས་ཏེ། དེའི་བསོད་ནམས་ཀྱིས་མངོན་པར་འཚང་རྒྱ་བར་འགྱུར་ཏེ། དེ་ལ་སེམས་མ་ཞུམ་ན། ཅིའི་ཕྱིར་རྒྱ་མཚོ་འདི
155b2 བསྐམས་པར་མི་ནུས་ཞེས་སྨྲས་སོ། ། དེའི་ཚེ་ན་ལྷ་ཁྱབ་འཇུག་ལ་སོགས་པས། རྒྱང་མ་ནས་བྱང་ཆུབ་སེམས་དཔའ་གཅིག་པུ་ལུས་ཡིད་མཐུན་པར་རྒྱ་མཚོའི་ཆུ་བཅུས་ཏེ། འགྲོ་བ
155b3 མང་པོའི་དོན་དུ་དཀའ་བ་བྱེད་པ་མཐོང་ནས། དེ་དག་བྱང་ཆུབ་སེམས་དཔའ་ལ་བསྣང་ངོ་སྙམ་བསམས་ཏེ། གཅིག་ནས་གཅིག་ཏུ་སྦྲན་ནས། ཐམས་ཅད་བྱང་ཆུབ་སེམས་དཔའི་དྲུང་དུ
155b4 ལྷགས་ཏེ། བྱང་ཆུབ་སེམས་དཔའ་སྣོད་ཀྱིས་ཆུ་བཅུ་པ་མཐོང་ནས། ལྷ་དེ་དག་ཐམས་ཅད་སོ་སོའི་གོས་ཕུད་དེ། ཆུར་བསྙུགས་ནས་ལན་ཅིག་བསྒུགས་ཏེ་ཕྱིར་ཕྱུང་བས། རྒྱ་མཚོའི
155b5 ཆུ་དཔག་ཚད་བཞི་བཅུ་བྲིའོ། ། ཡང་ལན་གཉིས་བསྙུགས་པས་དཔག་ཚད་བརྒྱད་ཅུ་བྲིའོ།། ལན་གསུམ་བསྙུགས་པས་དཔག་ཚད་བརྒྱ་ཉི་ཤུ་བྲི་ནས། ཀླུ་དེ་དག་འཇིགས་སྐྲག་སྟེ།
155b6 བྱང་ཆུབ་སེམས་དཔའི་དྲུང་དུ་ལྷགས་ནས་འདི་སྐད་དུ་ཟོང་ཞིག། རྒྱ་མཚོའི་ཆུ་སྐམས་པར་མ་བྱེད་ཅིག་ཅེས་སྨྲས་པ་དང་། བྱང་ཆུབ་སེམས་དཔས་བཏང་ངོ་།། དེ་ནས་ཀླུ་རྣམས་ཀྱིས
155b7 བྱང་ཆུབ་སེམས་དཔའ་ལ་ཁྱེད་ཀྱི་ནོར་བུ་རིན་པོ་ཆེ་འདི་ཅི་ཞིག་ཏུ་དགོས། སྨྲས་པ། བདག་གིས་སེམས་ཅན་ལ་ཕན་པའི་དོན་དུ་དགོས་སོ།། ཀླུས་སྨྲས་པ། སེམས་ཅན་ལ་ཕན
iiif viewer powered by OpenSeadragon
