| e-texts navigator |
| Wylie |
14b1 གཡས་གཡོན་དང་། ལུས་ཀྱི་ཤ་ཟད་པར་བཅད་ཀྱང་ཕུག་རོན་དང་མཉམ་པར་མ་གྱུར་ནས། རྒྱལ་པོ་དེ་ཉིད་བཞེངས་ཏེ་སྲང་གི་ནང་དུ་འགྲོ་བར་གཟས་པ་ལས། ཉམས་ཀྱིས་མ་ནུས་ཏེ།
14b2 ས་ལ་འགྱེལ་ནས་བརྒྱལ་ལོ།། དེ་ནས་རིང་ཞིག་ལོན་པ་དང་དྲན་པར་གྱུར་ནས། བདག་གི་སེམས་ལ་འདི་སྐད་ཅེས་སྤང་ངོ་།། ཐོག་མ་མེད་པའི་དུས་ནས་ཁྱོད་ཀྱིས་མ་ནུས་པས་ཁམས
14b3 གསུམ་དུ་འཁོར་ཞིང་སྡུག་བསྔལ་སྣ་ཚོགས་མྱོང་བར་གྱུར་ཀྱང་བསོད་ནམས་ཀྱི་ཚོགས་སུ་མ་གྱུར་ཏོ། ། བརྩོན་འགྲུས་བརྩམ་པའི་དུས་ལ་བབ་སྟེ། ལེ་ལོ་བྱ་བའི་དུས་འདི་མ་ཡིན་ནོ་ཞེས་རྣམ་པ
14b4 སྣ་ཚོགས་ཀྱི་སྒོ་ནས་བརྒྱད་བཀག་སྟེ། དེ་ལས་འབད་འབད་ནས་དེ་ནས་སྲང་གཞིའི་ནང་དུ་ཕྱིན་པ་དང་། ད་ནི་ལེགས་སོ་ཞེས་རབ་ཏུ་དགའ་བའི་སེམས་སྐྱེས་སོ།། དེའི་ཚེ་ན་གནམ་ས་རྣམ
14b5 པ་དྲུག་ཏུ་གཡོས་པས་ལྷ་རྣམས་ཀྱི་ཕོ་བྲང་ཡང་འགུལ་ཞིང་ལྡེག་པར་གྱུར་ཏེ། གཟུགས་ཀྱི་ཁམས་ཀྱི་ལྷ་མན་ཆད་ཐམས་ཅད་ལྷགས་ནས་སྟེང་གི་བར་སྣང་ལ་འཁོད་དེ། བྱང་ཆུབ་སེམས
14b6 དཔས་ཤིན་ཏུ་དཀའ་བ་སྤྱད་ཅིང་ལུས་ཀྱང་གཏན་མ་རུང་བར་བྱས་ཏེ། ཆོས་ཀྱི་ཕྱིར་ལུས་དང་སྲོག་ལ་མི་ལྟ་བར་གྱུར་པའི་དངོས་པོ་དེ་དག་མཐོང་ནས། མཆི་མ་ཆར་བཞིན་དུ་ཟག་ཅིང་ངུས་ཏེ
14b7 ལྷ་རྫས་ཀྱི་མེ་ཏོག་ཆར་བཞིན་དུ་བབ་ནས་མཆོད་པ་བྱས་སོ། ། དེའི་ཚེ་ན་བརྒྱ་བྱིན་གྱིས་སྔོན་གྱི་ལུས་སུ་བསྒྱུར་ཏེ། རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོས་འདི་ལྟ་བུའི་ཤིན་ཏུ
iiif viewer powered by OpenSeadragon
