| e-texts navigator |
| Wylie |
144a1 དགེ་སློང་ཀུན་དགའ་བོ་འདི་ཅིའི་རྒྱུ་ཅིའི་རྐྱེན་གྱིས་དུས་དང་ཚོད་ལ་མཁས་པར་གྱུར། བཅོམ་ལྡན་འདས་ཀྱིས། ཤཱ་རིའི་བུ་ལ་བཀའ་སྩལ་པ། སྔོན་འདས
144a2 པའི་བསྐལ་པ་ཚད་མེད་གྲངས་མེད་པའི་ཕ་རོལ་ན། རྒྱལ་པོ་ཆེན་པོ་འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་ལ་དབང་བྱེད་པ་ཞིག་བྱུང་ངོ་།། དེའི་ཚེ་གྲོང་ཁྱེར་བ་རུ་ད་ཞེས་བྱ་བ་ན་བྲམ
144a3 ཟེ་ནྱ་གྲོ་དྷ་ཞེས་བྱ་བ་ཞིག་ཡོད་དེ། མཁས་པ་རིག་པ་དང་ལྡན་པ། སྦྲང་དང་། གཙུག་ལག་དང་། སྐར་མ་ལ་མཁས་པ་ཞིག་པས། རྒྱལ་པོའི་སྟོན་པ་བྱེད་དེ། རྒྱལ་ཕྲན་བརྒྱད་ཁྲི
144a4 བཞི་སྟོང་སྙེད་ཀྱང་དེ་ལ་རྒྱལ་པོ་ཆེན་པོ་དང་འདྲ་བར་བསྙེན་བཀུར་བྱེད་དེ། བསྒོ་བའི་ཚིག་ཀྱང་ཉན་ཏོ།། བྲམ་ཟེ་དེ་ཕྱུག་ཁྱད་རྣམ་ཐོས་ཀྱི་བུ་དང་འགྲན་ཏེ། དེ་ལ་བུ་མེད་པས་རྟག་ཏུ་མི
144a5 དགའ་སྟེ། སེམས་ཁོངས་སུ་ཆུད་ཅིང་འདུག་པ་ལས་ཇི་ལྟར་བྱས་ན་བུ་ཡོད་པར་འགྱུར་ཞེས། ཚངས་པ་དང་། བརྒྱ་བྱིན་དང་། དབང་ཕྱུག་དང་། ཉི་ཟླ་དང་། སྐར་མ་དང
144a6 རི་དང་ཆུ་དང་། ནགས་ཀྱི་ལྷ་ཀུན་ལ་མཆོད་ཅིང་རྗེད་དེ། ལོ་བཅུ་གཉིས་ལོན་ནས། ཆུང་མ་ཆེན་མ་སེམས་ཅན་དང་ལྡན་པར་གྱུར་ཏེ། བུད་མེད་མཁས་པ་དག་ནི་སེམས་ཅན་དང
144a7 ལྡན་མ་ཐག་ཏུ་བུ་ཁྱེའུ་འམ། བུ་མོ་ཡིན་པ་ངེས་པར་རྟོགས་པས། དེ་ཡང་ཁྱེའུ་ཡིན་པར་ཤེས་ནས་བྲམ་ཟེ་ལ་གཏམ་སྨྲས་སོ།། བྲམ་ཟེ་དེ་དེ་སྐད་སྨྲས་པ་ཐོས་ནས་རབ་ཏུ་དགའ་ར
iiif viewer powered by OpenSeadragon
