| e-texts navigator |
| Wylie |
143b1 བཀུར་བྱེད་དོ་ཞེས་སྨྲ་བར་འགྱུར་བའི་ཕྱིར། མོའུ་འགལ་གྱི་བུ་དེ་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་སོ།། དགེ་སློང་ཀུན་དགའ་བོ་ནི་མཁས་པ་ཅན་ཏེ། དུས་ཤེས
143b2 ཤིང་དུས་རིག་པ་ལགས་ཤིང་། དུས་ཤེས་པར་འགྱུར་བ་ནི། བཅོམ་ལྡན་འདས་ལ་འཁོར་རྣམ་བཞི་བལྟ་བར་འགྲོ་བའི་དུས་ལ་བབ་པ་དང་། དུས་ལ་མ་བབ་པ་དང་། གཞན
143b3 ཡང་མུ་སྟེགས་ཅན་ཀུན་ཏུ་རྒྱུ་རྣམས་བཅོམ་ལྡན་འདས་ཀྱི་སྤྱན་སྔར་འགྲོ་བའི་དུས་ལ་བབ་པ་དང་། དུས་ལ་མ་བབ་པ་དང་། གཞན་ཡང་མུ་སྟེགས་ཅན་ཀུན་ཏུ་རྒྱུ་འདི་དག་ནི། བཅོམ།།
143b4 ལྡན་འདས་ཀྱིས་གསུངས་པ་ལ་ལན་ལྗོན་པར་སྤོབས་སོ།། འདི་དག་ནི་ལན་ལྡོན་པར་མི་སྤོབས་སོ།། བཅའ་བ་དང་བཟའ་བ་འདི་ནི། བཅོམ་ལྡན་འདས་ལ་བདེ་ཞིང་བསོད་པར
143b5 འགྱུར་འདི་ནི་བདེ་ཞིང་བསོད་པར་མི་འགྱུར་བར་ཤེས་པའི་ཕྱིར་ཏེ། མོའུ་འགལ་གྱི་བུ་འདི་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་སོ།།
143b6 དེ་ནས་ཤཱ་རིའི་བུ་དང་། མོའུ་འགལ་གྱི་བུ་གཉིས་ཀྱིས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ལ་བསྙེན་བཀུར་བྱེད་པར་དད་པར་བྱས་པ་དང་། བཅོམ་ལྡན་འདས་ཀྱིས
143b7 ཀྱང་ཀུན་དགའ་བོ་ནི་མཁས་པ་ཅན་ཏེ། དུས་ཤེས་ཤིང་དུས་རིག་གོ་ཞེས་བསྔགས་པས། དགེ་སློང་རྣམས་ཐེ་ཚོམ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
iiif viewer powered by OpenSeadragon
