| e-texts navigator |
| Wylie |
141b1 བྲམ་ཟེ་དབུལ་པོ་ཁྱོ་ཤུག་གཉིས་ཡུལ་དེ་ན་ཤིན་ཏུ་ཕྱུག་ཅིང་རིན་པོ་ཆེ་མང་བར་གྱུར་ཏོ།། རྒྱལ་པོས་ཀྱང་དེ་བསོད་ནམས་ལས་གྱུར་པར་ཤེས་ནས་བློན་པོར་བཅུག་སྟེ། ཤིན་ཏུ་ཕྱུག་པར་གྱུར
141b2 བས་ལྷག་པར་བསོད་ནམས་བྱེད་པ་ལ་དང་པོའི་སེམས་སྐྱེས་ཏེ། སངས་རྒྱས་དང་དགེ་འདུན་སྤྱན་དྲངས་ནས་མཆོད་པ་ཆེན་པོ་བྱས་སོ།། དེ་ལ་བཅོམ་ལྡན་འདས་ཀྱིས་ཆོས་བསྟན་པས
141b3 སེམས་རྣམ་པར་གྲོལ་ཏེ། རྒྱུན་དུ་ཞུགས་པའི་འབྲས་བུ་ཐོབ་བོ།། འཁོར་མང་པོ་དང་ཀུན་དགའ་བོ་ལ་སོགས་པ་སངས་རྒྱས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།།
141b4 བྲམ་ཟེ་མོ་བདེ་བའི་ལེའུ་སྟེ་ཉི་ཤུ་དགུ་པའོ།། །། བམ་པོ་བརྒྱད་པ།། ། སྦྱིན་པ་ཆེན་པོ་རྒྱ་མཚོར་ཞུགས་པའི་ལེའུ་ནི། འདི་སྐད་བདག་གིས་ཐོས
141b5 པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་ན་བཅོམ
141b6 ལྡན་འདས་ཀྱིས། ཚེ་དང་ལྡན་པ་ཀུན་ཤེས་ཀོའུ་དི་ནྱ་ལ་སོགས་པ་ལ། བསྙེན་བཀུར་བྱ་བའི་གཡོག་གཅིག་དགོས་སོ་ཞེས་བཀའ་སྩལ་པ་དང་། དེ་ནས་ཀུན་ཤེས་ཀོའུ་དི་ནྱ་སྟན་ལས
141b7 ལངས་ཏེ། བླ་གོས་ཕྲག་པ་གཅིག་ཏུ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་བདག་གིས་བསྙེན་བཀུར་ཡིད་བཞིན་དུ་བགྱི
iiif viewer powered by OpenSeadragon
