| e-texts navigator |
| Wylie |
141a1 ནུ་མོ་ཨ་ལམ་པ་ཡང་ལམ་ཀ་ན་འདུག་སྟེ། ཁྱོད་དང་ཕྲད་ཀྱིས་ཁོ་མོའི་འབྲིན་དུ་ཁྱོད་བདེ་འམ། ཁོ་མོ་ཡང་བུ་ལྔ་བརྒྱ་བདེ་བར་བཙས་སོ་ཞེས་གྱིས་ཤིག། དེ་ནས་དགེ
141a2 བསྙེན་མ་ལམ་དུ་ཞུགས་ཏེ་སོང་སོང་བ་ལས། རིང་པོ་མ་ལོན་པར་ཨ་ལམ་པ་དང་ཕྲད་ངོ་།། ཨ་ལམ་པ་ལ་ཕུ་མོའི་འཕྲིན་སྤྲིང་བ་དང་། བུ་ལྔ་བརྒྱ་བདེ་བར་བཙས་སོ་ཞེས་གཏམ་བྱས་པ་དང་།
141a3 ཨ་ལམ་པ་དགའ་སྟེ། དགེ་བསྙེན་མ་ལ་ཁྱོད་ཁོ་མོའི་ཕུ་མོའི་འཕྲིན་དང་གཏམ་སྙན་བྱས་པ་ལེགས་ཀྱིས། ཁོ་མོ་འདུག་པའི་གནས་འདི་ན་གསེར་བུམ་པ་གང་ཡོད་ཀྱིས། ཕྱིར་ལོག་པའི
141a4 ལམ་དུ་ཁྱེར་ཅིག། ཁོ་མོ་ཅག་གི་མིང་པོ་གཅིག་ཀྱང་ལ་མ་ཀ་ན་འདུག་གིས། དེ་དང་ཕྲད་ན་ཁོ་མོ་ཅག་སྤུན་གཉིས་ཀྱི་འཕྲིན་དང་བུ་ལྔ་བརྒྱ་བཙས་པའི་གཏམ་ཡང་གྱིས་ཤིག་ཅེས་བསྒོ་ནས་སོང་ངོ་།། དེ་ནས
141a5 ཡང་རིང་པོར་མ་བྱིན་པར་སྲིན་མོ་གཉིས་ཀྱི་མིང་པོ་དང་ཕྲད་དེ། དེ་ལ་སྲིན་མོ་གཉིས་ཀྱི་འཕྲིན་དང་བུ་ལྔ་བརྒྱ་ཡང་བདེ་བར་བཙས་པའི་གཏམ་བྱས་ནས། དེ་ཡང་རབ་ཏུ་དགའ་སྟེ། ཁྱོད་ཁོ་བོའི
141a6 སྲིང་མོ་གཉིས་ཀྱི་འཕྲིན་བྱས་པ་ལེགས་ཀྱིས། ཁོ་བོ་འདུག་པའི་གནས་འདི་ན་གསེར་བུམ་པ་གང་ཡོད་ཀྱིས། ཕྱིར་ལྡོག་པའི་ལམ་དུ་ཁྱེར་ཅིག་ཅེས་བསྒོའོ།། དེ་ནས་དགེ་བསྙེན་མ་ཆས
141a7 ཏེ་སོང་སོང་བ་ལས། བཙོན་དེའི་དྲུང་དུ་ཕྱིན་ཏེ་ཁ་ཟས་བསྟོད་ནས། ཕྱིར་ལྡོག་པའི་ལམ་དུ་གསེར་བུམ་པ་གསུམ་ཡང་རྙེད་དོ།། རྒྱལ་པོས་ཀྱང་གསེར་སྲང་སྟོང་བྱ་དགར་བྱིན་པས།
iiif viewer powered by OpenSeadragon
