| e-texts navigator |
| Wylie |
13b1 བཞིན་དུ་ཁོང་གིས། རྒྱལ་པོ་དེ་གང་ན་བཞུགས་པར་སོང་ལ་སྐྱབས་བཙལ་ན། བགམ་པ་དེས་རྒྱུ་ཡོད་དམ། བདེན་པ་རྟོགས་པར་འགྱུར་རོ།། བི་ཤཱ་ཀ་ར་མས་སྨྲས་པ། ལྷའི་དབང
13b2 པོ་སྐྱེས་བུ་ཆེན་པོ་བྱང་ཆུབ་སེམས་དཔའ་ལ་འཚེ་བ་ནི་མི་གཤའི། མཆོད་པའི་རིགས་ཀྱིས་ཤིན་ཏུ་དཀའ་བའི་དངོས་པོ་འདི་ལྟ་བུས་གཙེ་བའི་མི་རིགས་སོ་ཞེས་སྨྲས་པ་དང་། བརྒྱ
13b3 བྱིན་ལྷའི་དབང་པོས་ཚིགས་སུ་བཅད་པ་འདི་སྨྲས་སོ། ། བདག་ནི་དེ་ལ་ངན་སེམས་མིན།། གསེར་ལྟར་སད་ན་མངོན་པར་འགྱུར།། བདེན་པ་རྟོགས་པར་འདོད་ན་ནི།། བྱང་ཆུབ་སེམས
13b4 དཔའང་སད་པར་བྱ། ། ཚིགས་སུ་བཅད་པ་དེ་སྐད་ཅེས་སྨྲས་ནས། བི་ཤྭ་ཀར་མ་ནི་ཕུག་རོན་དུ་སྤྲུལ། བརྒྱ་བྱིན་ནི་ཁྲ་ཞིག་ཏུ་སྤྲུལ་ནས། ཕུག་རོན་གྱི་ཕྱི་བཞིན་དུ་བདས་ཏེ་བཟུང
13b5 ལ་ཐུག་པ་ལྟར་བྱས་པ་དང་། ཕུག་རོན་སྐྲག་དངངས་ནས་རྒྱལ་པོའི་མཆན་ཁུང་དུ་ཞུགས་ཏེ། རྒྱལ་པོ་ལ་སྲོག་གི་སྐྱབས་གསོལ་ཏོ།། ཁྲ་ཡང་མོད་ལ་ཕྱིན་ཏོ།། ཕོ་བྲང་གི་དྲུང
13b6 གང་ན་བ་དེར་འདུག་ནས་རྒྱལ་པོ་ལ་འདི་སྐད་ཅེས་སྨྲས་སོ། ། ཕུག་རོན་འདི་ནི་བདག་གི་ཟས་ལགས་ཏེ། འདིར་རྒྱལ་པོ་ལ་བབས་ཀྱིས། མྱུར་དུ་བདག་ལ་སྩོལ་ཅིག། བདག་ནི
13b7 བཀྲེས་པས་རབ་ཏུ་ཉེན་ཏོ། ། རྒྱལ་པོས་སྨྲས་པ། ཁོ་བོས་ནི་གང་བདག་ལ་སྐྱབས་སུ་འོངས་སོ་ཅོག་ལ་ཕྱིར་མི་གཏོང་བར་དམ་བཅས་པས་འདི་ཡང་མི་སྨིན་ནོ་ཞེས་སྦས་པ་དང་། ཁྲས
iiif viewer powered by OpenSeadragon
