| e-texts navigator |
| Wylie |
139b1 པའི་དུས་ན་ཡང་ཁུར་དུ་སྦྲུལ་ཁྱེར་བ་ལས་སྦྲུལ་གྱིས་སྤྱོས་ཏེ། དེ་ལ་ཡང་སེམས་སྤང་བས། ད་ཡང་དགེ་སློང་རྣམས་ལ་སེམས་སྤད་བ་ཡིན་ནོ།། ཀུན་དགའ་བོ་ལ་སོགས་པ་སངས་རྒྱས
139b2 ཀྱིས་གསུངས་པ་ལ་ཡི་རང་ནས་མངོན་པར་དགའ་བོ། ། གསེར་གྱི་བུམ་པའི་ལེའུ་སྟེ་ཉི་ཤུ་བརྒྱད་པའོ།། །། བྲམ་ཟེ་མོ་བདེ་བའི་ལེའུའོ།། འདི་སྐད་བདག
139b3 གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་འོད་མའི་ཚལ་ན་དགེ་སློང་གྲངས་མེད་པ་དང་ཐབས་ཅིག་ཏུ་བཞུགས་སོ།། དེའི་ཚེ་ཡུལ་དེ་ན་བྲམ་ཟེ་ཤིན
139b4 ཏུ་དབུལ་ཞིང་འཕོངས་པ་ཅི་ཡང་མི་བདོག་པ་ཞིག་ཡོད་དེ། བྲམ་ཟེ་དེ་འཕོངས་ཆེས་ནས་ཀུན་ལ་ཇི་ལྟར་བྱས་ན། ཚེ་འདི་ཉིད་ལ་ལོངས་སྤྱོད་དང་ལྡན་པར་འགྱུར་ཞེས་དྲིས་སོ།། དེ་ལ་མི་ཞིག
139b5 གིས་སྨྲས་པ། ཅི་ཁྱོད་མི་ཤེས་སམ། སངས་རྒྱས་བཅོམ་ལྡན་འདས་ཞེས་བྱ་བ་ད་ལྟར་འཇིག་རྟེན་དུ་གཤེགས་ཏེ། སེམས་ཅན་ཐམས་ཅད་ལ་ཕན་པའི་དོན་མཛད་དོ།། དེའི་ཉེ་གནས
139b6 འོད་སྲུངས་ཆེན་པོ་དང་། མོའུ་འགལ་ཡ་ན་དང་། ཤཱ་རིའི་བུ་དང་། མ་འགགས་པ་ལ་སོགས་པ་འཕགས་པ་བཞི་ཡང་རྟག་ཏུ་དབུལ་འཕོངས་པ་ལ་ཕན་པའི་དོན་བྱེད་ཀྱིས། གལ་ཏེ།
139b7 ཁྱོད་དད་པའི་སེམས་ཀྱིས་འཕགས་པ་དེ་དག་ལ་ཞལ་ཟས་ཀྱིས་མཆོད་ན། འཕགས་པ་དེ་དག་ནི་ཚེ་འདི་ཉིད་ལ་ཁྱོད་ཅི་དང་ཅི་འདོད་པ་དེ་དང་དེ་དག་དང་ལྡན་པར་མཛད་དོ་ཞེས་སྨྲས་སོ།།
iiif viewer powered by OpenSeadragon
