| e-texts navigator |
| Wylie |
139a1 ནས་གདུག་པ་འབྱུང་བ་ལས་འདི་སྙམ་དུ་བསམས་སོ། ། མི་འདི་ཅི་ཞིག་ཉེས་ན། ཕ་རོལ་པོས་ལན་གསུམ་གྱི་བར་དུ་དྲིས་ན། གཏམ་གྱི་ལན་ཡང་མི་སྟེར་སྙམ་སྟེ།
139a2 ཕྱིར་ཡང་ཁྲོས་ནས་གདུག་པ་འབྱུང་བ་ལས་ཕྱིར་བཀག་སྟེ། ཡང་འདི་སྙམ་དུ་བསམས་སོ།། མི་འདི་བདག་གི་ཕྱིར་བསོད་ནམས་བྱེད་ན། བྱས་པ་གཟོ་བའི་དྲིན་ཡང་དྲན་པར་མ་བྱས་པར
139a3 གདུག་པ་མི་དབྱུང་ངོ་སྙམ་བསམས་ཏེ། མི་འདི་བདག་ལ་ཕན་པའི་དོན་བྱེད་ཀྱིས། ཉེས་པ་ཞིག་བྱས་ན་ཡང་བཟོད་པར་བྱའོ་ཞེས་ས་དབེན་པར་ཕྱིན་པ་དང་། རེ་ཞིག་ས་ལ་ཞོག་ཅིག་ཅེས་སྨྲས
139a4 ནས་མི་དེས་སྦྲུལ་དེ་ལ་སེམས་སྤད་དེ། བདག་གི་ཉེས་པ་འགྱོད་ཅིང་བཤགས་སོ་ཞེས་སྨྲས་ནས། ཕྱིར་ཡང་ཁུར་དུ་ཁྱེར་ཏེ་དགེ་འདུན་གྱི་གནས་སུ་ཕྱིན་པ་དང་། དགེ་འདུན་དག་ཀྱང
139a5 གདུགས་ཚོད་ཀྱི་དུས་ལ་བབ་པས། མི་དེས་དགེ་འདུན་ལ་མེ་ཏོག་བྲིམས་ཏེ། སྦྲུལ་དེ་དད་པའི་སེམས་ཀྱིས་མེ་ཏོག་འགྲིམ་པ་ལ་བལྟའོ།། དེ་ནས་དགེ་འདུན་དག་ཟས་ཀྱི་བྱ་བ་བྱས་ནས་ཁ་ལག
139a6 བཀྲུས་ཏེ་སྦྲུལ་དེ་ལ་ཆོས་བཤད་དོ། ། སྦྲུལ་དེ་རབ་ཏུ་དགའ་ནས། གསེར་གྱི་བུམ་པ་དྲུག་ཀྱང་དགེ་འདུན་ལ་ཕུལ་ཏེ། བསོད་ནམས་ཀྱི་ལས་བྱས་ནས་དེ་ནས་ཚེ་འཕོས་སོ།། ཚེའི་དུས
139a7 བྱས་ནས་དེའི་བསོད་ནམས་ཀྱིས་སུམ་ཅུ་རྩ་གསུམ་གྱི་ལྷར་སྐྱེས་སོ། ། ཀུན་དགའ་བོ་དེའི་ཚེ་ན་སྦྲུལ་ཁུར་དུ་ཁྱེར་བའི་མི་དེ་ནི་ད་ལྟར་ང་ཡིན་ནོ།། སྦྲུལ་གདུག་པ་དེ་ནི་ཤཱ་རིའི་བུ་ཡིན་ནོ།། འདས
iiif viewer powered by OpenSeadragon
