| e-texts navigator |
| Wylie |
138b1 སྦྲུལ་གྱིས་ཁོ་བོས་གནོད་པར་བྱ་ན། ཁྱོད་དྲུང་དུ་མ་འོངས་ཀྱང་གནོད་པ་བྱེད་ནུས་སོ་ཞེས་སྨྲས་པ་དང་། མི་དེ་སྐྲག་ནས་སྦྲུལ་གྱི་དྲུང་དུ་བསྙེན་ཏོ།། སྦྲུལ་གྱིས་སྨྲས་པ། ཁོ་བོ་ལ་འདི་ན་གསེར
138b2 གྱི་བུམ་པ་གཅིག་ཡོད་ཀྱིས། ཁྱོད་ལ་བསོད་ནམས་ཤིག་བྱ་བར་བཅོལ་ན་ནུས་སམ། ཇི་སྟེ་མ་བྱས་ན་ཁྱོད་ལ་གནོད་པ་བྱའོ།། མི་དེས་ཁོ་བོས་ནུས་སོ་ཞེས་སྨྲས་པ་དང་། སྦྲུལ་གྱིས་མི་དེ།།
138b3 གསེར་གྱི་བུམ་པའི་དྲུང་དུ་ཁྲིད་དེ། གསེར་གྱི་བུམ་པ་གཅིག་བསྐུར་ཏེ་འདི་སྐད་ཅེས་སྨྲས་སོ།། ཁྱོད་གསེར་འདི་ཁྱེར་ལ་དགེ་འདུན་རྣམས་ལ་མཆོད་སྟོན་ཞིག་གསོལ་ཅིག། མཆོད་སྟོན་གསོལ
138b4 བའི་ཉིན་པར་ཁོ་བོ་ཡང་འོང་གིས་བསུ་ཞིག་ཅེས་བསྒོའོ། ། དེ་ནས་མི་དེ་གསར་ཁུར་དུ་ཁྱེར་ཏེ་དགེ་འདུན་གྱི་གནས་སུ་སོང་ནས། དགེ་སློང་གི་གཙང་སྦྱོར་ལ་གསེར་ཕུལ་ཏེ། འདི་ནི་སྦྲུལ་གདུག
138b5 པ་ཞིག་གི་གསེར་ལགས་ཀྱིས། གསེར་འདིས་དགེ་འདུན་ལ་མཆོད་སྟོན་གསོལ་ཅིག་ཅེས་མཆིའོ།། གསེར་འདིས་མཆོད་སྟོན་སྦྱར་ཏེ། མཆོད་སྟོན་ནམ་གསོལ་བཞག་དུས་བརྩིས་ནས།
138b6 དེའི་ཉིན་པར་མི་དེ་གཟེབ་ཅིག་ཐོགས་ཏེ། སྦྲུལ་གདུག་པ་དེ་གང་ན་འདུག་པ་དེར་སོང་ངོ་།། སྦྲུལ་གདུག་པ་དེས་ཀྱང་མི་དེ་འོང་བ་མཐོང་ནས་རབ་ཏུ་དགའ་བར་གྱུར་ཏེ། མི་དེས་སྦྲུལ་གཟེབ་ཀྱི
138b7 ནང་དུ་བཅུག་ནས་ཁྱེར་ཏེ་སོང་བ་ལས་ལམ་དུ་མི་གཅིག་དང་ཕྲད་དེ། མི་དེས་ཁྱོད་གང་ནས་འོངས་ཞེས་ལན་གསུམ་གྱི་བར་དུ་དྲིས་ཀྱང་། སྦྲུལ་ཐོགས་པ་དེས་ཅང་མ་སྨྲས་པས། སྦྲུལ་དེ་ཁྲོས
iiif viewer powered by OpenSeadragon
