| e-texts navigator |
| Wylie |
138a1 རྙེད་ཀྱང་ལུས་ལ་མི་སྤྱོད་དེ། གསེར་དུ་བསྒྱུར་ནས་ཕྱིས་རིང་ཞིག་ལོན་པ་དང་། གསེར་གྱི་བུམ་པ་སྔ་ཕྱིར་བསགས་པ་བདུན་དུ་གྱུར་ནས། ཐམས་ཅད་ས་འོག་ཏུ
138a2 སྦས་སོ། ། ཁྱིམ་བདག་དེ་ཕྱིས་ནད་ཀྱིས་བཏབ་ནས་ཚེའི་དུས་བྱས་པ་དང་། གསེར་གྱི་བུམ་པ་ལ་ཆགས་པས་སྦྲུལ་གདུག་པ་ཞིག་ཏུ་སྐྱེས་ཏེ། གསེར་དེ་ལ་བསྲུང་ངོ་།། ཕྱིས་ཡུན་རིང
138a3 ཞིག་ལོན་པ་དང་། གྲོང་ཁྱེར་དེ་ཡང་ཞིག་ནས་སུ་ཡང་མི་གནས་ཏེ་ས་སྟོང་དུ་གྱུར་ཏོ།། སྦྲུལ་དེ་ཡང་ལོ་གྲངས་མང་དུ་ལོན་པས་ཚེའི་དུས་བྱས་ནས། ཕྱིར་ཡང་དེ་ཉིད་ཀྱི་ལུས་སུ་སྐྱེས་ཏེ།
138a4 གསེར་གྱི་བུམ་པ་ལ་འཁྲི་ཞིང་ཉལ་ལོ།། དེ་བཞིན་དུ་ལོ་ཁྲི་ཕྲག་དུ་མ་ལོན་པ་དང་། ནང་གི་སྐྱེ་བ་ཐ་མ་ལ་ལུས་དེས་སྐྱེ་སྟེ་འདི་སྙམ་དུ་བསམས་སོ།། བདག་ནི་གསེར་འདི་ལ་ཆགས་པས་འདི
138a5 འདྲ་བའི་ལུས་སུ་མི་སྡུག་པ་མྱོང་བར་གྱུར་གྱིས། ད་ནི་བསོད་ནམས་ཀྱི་ཞིང་ལ་ཕུལ་ནས་ལམ་དང་ཉེ་བར་སོང་སྟེ། རྩ་ཁྲོད་དུ་ལུས་སྦས་ལ་མི་དག་འོངས་ན་འབོད་དོ་སྙམ་སྟེ། དེའི་ཚེ་སྦྲུལ་གདུག
138a6 པ་དེས་མི་གཅིག་ལམ་ནས་འོང་བ་མཐོང་ནས། སྦྲུལ་གྱིས་མི་དེ་ལ་བོས་པ་དང་། མི་དེས་བོས་པའི་སྒྲ་ཐོས་ནས་ཕན་ཚུན་བལྟས་ན་ཅང་མི་སྣང་བས་ལམ་དུ་ཞུགས་ཏེ་སོང་སོང་བ་ལས། སྦྲུལ
138a7 གྱིས་ཡང་བོས་ཏེ། ཀྱེ་ཁོ་བོའི་དྲུང་དུ་སྙེན་ཅིག་ཅེས་སྨྲས་སོ།། མི་དེས་སྨྲས་པ། ཁྱོད་ཀྱིས་ཁོ་བོ་བོས་ཏེ་ཅི་ཞིག་བྱ། ཁྱོད་ནི་ཤིན་ཏུ་གདུག་པ་ཅན་ཡིན་པས་ཁོ་བོ་བསད་དུ་འོང་ངོ་།།
iiif viewer powered by OpenSeadragon
