| e-texts navigator |
| Wylie |
137b1 ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་དགེ་སློང་དག་དབྱར་སོ་སོར་ཚུལ་དུ་ཞུགས་ནས། ཚུལ་ནས་བྱུང་བ་དང་། བཅོམ་ལྡན་འདས
137b2 གང་ན་བར་ལྷགས་སོ། ། བཅོམ་ལྡན་འདས་དགེ་སློང་དག་དང་ཡུན་རིང་དུ་མ་ཕྲད་པས། དེ་དག་ལ་ཐུགས་བརྩེ་བར་དགོངས་ཏེ། འཁོར་ལོ་རྩིབས་སྟོང་དང་ལྡན་པའི་ཕྱག་བཏེག་སྟེ།
137b3 དགེ་སློང་དེ་དག་ལ་བསྟི་སྦྱང་དང་བཅས་པས་བྱེད་ན་པར་མགྱུར་ཏམ། བསོན་སྙོམས་ཀྱིས་མ་བྲེལ་ལས་ཞེས་བཀའ་སྩལ་པ་དང་། དེ་བཞིན་གཤེགས་པ་ཡོན་ཏན་ཆེན་པོ་དང་ལྡན་པ།།
137b4 དགེ་སློང་རྣམས་ལ་བསྟི་སྟང་མཛད་པར་དགེ་སློང་ཀུན་དགའ་བོས་མཐོང་ནས་ངོ་མཚར་དུ་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ནི
137b5 འཇིག་རྟེན་གྱི་གཙོ་བོ། ། ཡོན་ཏན་དཔག་ཏུ་མ་མཆིས་པ། ཡེ་ཤེས་བསམ་གྱིས་མི་ཁྱབ་པ་ལགས་ན། ཅིའི་སླད་དུ་ཐུགས་སྨད་དེ་དགེ་སློང་རྣམས་ལ་བསྟི་སྟང་མཛད་ཅེས་གསོལ་པ་དང་།།
137b6 བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། སྔོན་བསྐལ་པ་གྲངས་མེད། ཚད་མེད། བསམ་གྱིས་མི་ཁྱབ་པ་འདས་པ་ན། འཛམ་བུའི་གླིང་འདིར
137b7 ཡུལ་བཱ་རཱ་ནཱ་སེ་ན། ཁྱིམ་བདག་སོ་ཚོས་ལ་མཁས་པ་ཞིག་ཡོད་དེ། ནོར་ཅི་རྙེད་ཀྱང་གསེར་དུ་བསྒྱུར་ནས། གསེར་གྱི་བུམ་པ་གཅིག་བྱས་ཏེ་ས་འོག་ཏུ་སྦས་སོ།། དེ་བཞིན་དུ་ནོར་རྫས་ཅི།
iiif viewer powered by OpenSeadragon
