| e-texts navigator |
| Wylie |
137a1 ཚོན་རྩི་སྦྱར་ཏེ། སྐུ་གཟུགས་གཅིག་བྲིས་ནས། རི་མོ་མཁན་རྣམས་དེ་ལ་བལྟས་ཏེ། སྐུ་གཟུགས་མཚན་དང་ལྡན་པ་བརྒྱད་ཁྲི་བཞི་སྟོང་བྲིས་ནས། རྒྱལ
137a2 ཕྲན་རེ་རེ་ལ་སྐུ་གཟུགས་རེ་རེ་བསྐུར་ཏེ། སྐུ་གཟུགས་དེ་ལ་རྒྱལ་པོ་དང་ཡུལ་མི་ཐམས་ཅད་ཀྱིས་མེ་ཏོག་དང་། སྤོས་དང་། ཡོ་བྱད་ཐམས་ཅད་ཀྱིས་མཆོད་དེ་ཕྱག་ཚོལ་ཞིག་ཅེས་བསྒོའོ།།
137a3 རྒྱལ་ཕྲན་དེ་དག་དང་ཡུལ་མི་དེ་དག་གིས་དེ་བཞིན་གཤེགས་པའི་སྐུ་གཟུགས་མཐོང་ནས། རབ་ཏུ་དགའ་མགུ་རངས་ཏེ་བསྙེན་བཀུར་བྱས་སོ།། དེའི་ཚེ་ན་རྒྱལ་པོ་གསལ་ཐུབ་དེ་ནི་ད་ལྟར
137a4 ཡིན་ཏེ། དེ་ལྟར་དེ་བཞིན་གཤེགས་པའི་སྐུ་གཟུགས་བརྒྱད་ཁྲི་བཞི་སྟོང་བྲིས་ཏེ། རྒྱལ་ཕྲན་ཀུན་ལ་སྤེལ་བའི་བསོད་ནམས་ཀྱིས། གང་ནས་གང་དུ་སྐྱེས་ཀྱང་མཐོ་རིས་སུ་བརྒྱ་བྱིན་ལྷའི
137a5 དབང་པོར་སྐྱེས་ཏེ། བྱད་གཟུགས་བཟང་བ་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ཐོབ་སྟེ་མངོན་པར་སངས་རྒྱས་སོ།། མྱ་ངན་ལས་འདས་ནས་ཀྱང་རིང་བསྲེལ
137a6 ལ་མཆོད་རྟེན་བརྒྱད་ཁྲི་བཞི་སྟོང་སྙེད་བྱས་པར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ། ཀུན་དགའ་བོ་དང་འཁོར་མང་པོ་མངོན་པར་དགའ་ནས་རྗེས་སུ་ཡི་རང་ངོ་།། རྒྱལ
137a7 པོ་ཨ་ཤོ་ཀའི་ལེའུ་སྟེ་ཉི་ཤུ་བདུན་པའོ། ། །། གསེར་གྱི་བུམ་པའི་ལེའུ་འོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན
iiif viewer powered by OpenSeadragon
