| e-texts navigator |
| Wylie |
136b1 ལ་འདི་སྐད་ཅེས་གསོལ་ཏོ། ། དེ་བཞིན་གཤེགས་པས་སྔོན་བསོད་ནམས་ཅི་ཞིག་མཛད་པས། རིང་བསྲེལ་ལ་ཡང་མཆོད་རྟེན་དེ་སྙེད་ཅིག་བགྱིད་པར་འགྱུར། བཅོམ་ལྡན་འདས་ཀྱིས་བཀའ
136b2 སྩལ་པ། བརྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་། ཁྱོད་ལ་བསྟན་པར་བྱའོ།། སྔོན་བསྐལ་པ་གྲངས་མེད་པ་འདས་པ་ན། འཛམ་བུའི་གླིང་འདིར་རྒྱལ་པོ་གསལ་ཐུལ
136b3 ཞེས་བྱ་བ། རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་པ་ཞིག་བྱུང་ངོ་།། དེའི་ཚེ་ན་སངས་རྒྱས་པུར་ཤ་ཞེས་བྱ་བ་འཇིག་རྟེན་དུ་བྱུང་སྟེ། རྒྱལ་པོ་དེས་བློན་པོ་དང་བཅས་སུ་ཡོ་བྱད་རྣམ
136b4 བཞི་སྦྱར་ཏེ། སངས་རྒྱས་དང་དགེ་སློང་གི་དགེ་འདུན་ལ་ཕུལ་ལོ།། དེའི་ཚེ་རྒྱལ་པོ་དེ་དང་ཡུལ་མི་རྣམས་ནི་རྟག་ཏུ་སངས་རྒྱས་དང་ཕྲད་དེ་ཕྱག་འཚལ་བ་དང་བསྙེན་བཀུར་བྱེད་ཀྱི། རྒྱལ
136b5 ཕྲན་གཞན་དག་ནི་བསོད་ནམས་ཀྱང་མི་བྱེད་པས། མཐའ་འཁོབ་ཀྱི་རྒྱལ་ཕྲན་དང་ཡུལ་མི་དག་བསོད་ནམས་བྱེད་དུ་གཞུག་པའི་ཕྱིར། སངས་རྒྱས་ཀྱི་སྐུ་གཟུགས་བྲིས་ལ། རྒྱལ
136b6 ཕྲན་ལ་སྦྱིན་ནོ་སྙམ་བསམས་ནས། རི་མོ་མཁན་མང་པོ་བསྡུས་ཏེ། སངས་རྒྱས་ཀྱི་སྐུ་གཟུགས་རི་མོ་ལ་བྲིས་ཤིག་ཅེས་བསྒོ་བ་དང་། རི་མོ་མཁན་དག་སངས་རྒྱས་ཀྱི་སྤྱན་སྔར་སོང
136b7 སངས་རྒྱས་ཀྱི་མཚན་བལྟས་ནས། རི་མོ་བྲིས་པ་ལས་མཚན་གཅིག་བྲིས་ནས། གཅིག་མི་འདྲ་བར་གྱུར་ཏེ། རི་མོ་མཁན་གྱིས་རི་མོ་བྲི་བར་མ་ནུས་སོ།། སངས་རྒྱས་ཉིད་ཀྱིས
iiif viewer powered by OpenSeadragon
