| e-texts navigator |
| Wylie |
135b1 སྟེང་མ་ཟད་ན་འོག་མ་ཡང་དེ་བཞིན་དུ་སྐྱེའོ།། དེ་བཞིན་དུ་སྟེང་འོག་བསྒྱུར་ཞིང་ལོ་བཅུ་གཉིས་ཀྱི་བར་དུ་ཐམས་ཅད་ཀྱིས་ཤ་བཅད་ཅིང་ཟོས་ནས། ཐམས་ཅད་དེ་ལ་སྙིང་རྗེ་བའི་སེམས་སྐྱེས་པས
135b2 དེའི་ཤ་ཟོས་པ་དེ་དག་ཐམས་ཅད་ཆེའི་དུས་བྱས་པ་ཡང་མཐོ་རིས་ཀྱི་ལྷར་སྐྱེས་སོ། ། ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་ཉར་གྱུར་པ་དེ་ནི་ད་ལྟར་ང་ཡིན་ནོ།། ཤིང་མཁན་ལྔ་པོ་ཐོག་མར་ངའི་ཤ
135b3 བཅང་དེ་ཟོས་པ་ནི། དགེ་སློང་ཀོའུ་དི་ནྱ་ལ་སོགས་པ་ལྔ་པོ་ཡིན་ནོ།། སྐྱེ་བོ་མང་པོ་ཕྱིས་ངའི་ཤ་ཟོས་པ་ནི་ལྷའི་སྲས་པོ་བརྒྱད་ཁྲི་དང་། ངའི་ཉེ་གནས་རྣམ་པར་གྲོལ་བ་རྣམས་ཡིན་ནོ།། དེའི
135b4 ཚེ་ན་སྔར་མི་ལྔ་པོ་དེ་ལ་བྱིན་ཏེ། འཚོ་བས་སྲོག་སྐྱབས་པས་འདིར་ཡང་སྔར་ཆོས་བསྟན་ཏེ། ཆོས་ཀྱི་སྐུའི་ཡན་ལག་གིས་དུག་གསུམ་གྱི་མེ་ཞི་བར་བྱས་སོ།། ཀུན་དགའ་བོ་དང་འཁོར་མང་པོ
135b5 རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ། ། ཤུ་དོ་ལ་གར་ནེའི་ལེའུ་སྟེ་ཉི་ཤུ་དྲུག་གོ།། རྒྱལ་པོ་ཨ་ཤོ་ཀའི་ལེའུའོ།།
135b6 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་བཅོམ་ལྡན་འདས་ཀུན་དགའ་བོ་དང
135b7 བསོད་སྙོམས་ལ་གཤེགས་པ་ལས། ལ་མ་ཀ་ན་བྱིས་པ་དག་ཅིག་ས་ལ་ཁང་བུ་དང་། བང་མཛོད་དང་། རིན་པོ་ཆེར་བསྔོས་ནས་རྩེ་ཞིང་འཁོད་དོ།། དེ་ལ་ཁྱེའུ་གཅིག་ཅིག་གིས་སངས
iiif viewer powered by OpenSeadragon
