| e-texts navigator |
| Wylie |
134b1 ལྔ་པོ་འདི་དག་སྔོན་ཡང་ངའི་ཤ་སྔར་ཟོས་ཏེ་བདེ་བར་གྱུར་པས་འདིར་ཡང་ཆོས་ཀྱི་རོ་ཐོག་མར་མྱོང་སྟེ། རྣམ་པར་གྲོལ་བར་གྱུར་ཏོ།། ཀུན་དགའ་བོས་ཡང་། བཅོམ་ལྡན་འདས
134b2 ལ་གསོལ་པ། དགེ་སློང་འདི་ལྔས་སྔོན་ཅི་བགྱིས་པ་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་བསྐལ་པ་ཚད་མེད། གྲངས་མེད།
134b3 བསམ་གྱིས་མི་ཁྱབ་པ་འདས་པའི་སྔ་རོལ་ན་འཛམ་བུའི་གླིང་འདིརའི་རྒྱལ་པོ་ཤུ་དོ་ལ་ག་ར་ནེ་ཞེས་བྱ་བ་བྱུང་སྟེ། འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་དོ།། དེའི་ཚེ་ན
134b4 ཡུལ་དེར་ལོ་བཅུ་གཉིས་ཀྱི་བར་དུ་ཆར་མི་འབབ་བོ་ཞེས་ལྟས་མཁན་གྱིས་ལུང་བསྟན་ནས། རྒྱལ་པོས་དེ་སྐད་ཅེས་ཐོས་པ་དང་། རབ་ཏུ་མྱ་ངན་གྱིས་ཡི་མུག་པར་གྱུར་ཏེ། འདི་ལྟར་མུ་གེ
134b5 ཆེན་པོ་བྱུང་ན། མི་མང་པོ་འདི་དག་ལ་ལོ་དེ་སྙེད་ཀྱི་ཁ་ཟས་ཇི་ལྟར་རྙེད་སྙམ་ནས། རྒྱལ་ཕྲན་དང་བློན་པོ་ཀུན་བསྡུས་ཏེ་བགྲོས་ན། བང་བ་ན་འབྲུ་ཇི་སྙེད་ཡོད་པ་དང་། ད་ལྟར་མི་ཇི་སྙེད་ཡོད
134b6 པབརྩིས་སུ་སྦྱར་ན། ལོ་བཅུ་གཉིས་ཀྱི་བར་དུ་མི་རེ་པུ་ལ་རེའི་ཐད་དུ་བརྩིས་ན་ཡང་། ལོ་བཅུ་གཉིས་མི་ཐུབ་བོ་ཞེས་དྲིལ་བསྒྲགས་སོ།། དེ་ནས་ཕྱི་ཕྱིར་ཡང་མུ་གེ་ཆེ་བར་གྱུར་ཏེ། ཚེ་འཕོས
134b7 པ་ཡང་མང་ནས། རྒྱལ་པོ་དེས་ཇི་ལྟར་བྱས་ན། མི་མང་པོ་འཚོ་བར་འགྱུར་སྙམ་བསམས་ཏེ། བཙུན་མོ་དང་ཕོ་བྲང་སླས་སུ་བཅས་ཏེ། སྐྱེད་མོས་ཚལ་དུ་འཆག་ཏུ་སོང་བ་ལས་བསྟི་བའི
iiif viewer powered by OpenSeadragon
