| e-texts navigator |
| Wylie |
134a1 ཀྱང་ལྷག་པར་རྟོགས་ཏེ། དྲི་མ་ཀུན་ཟད་ནས་དུས་གཅིག་ཏུ་ཏིང་ངེ་འཛིན་ལ་ཞུགས་ཏེ་དགྲ་བཅོམ་པར་གྱུར་ཏོ།། དགེ་སློང་མ་དེ་དག་གིས་ཚིག་མཐུན་པར། དགེ་སློང
134a2 མ་ཨུད་པ་ལ་ལ་བདག་ཅག་ནི་འདོད་ཆགས་ཀྱིས་ཀུན་ནས་བཅིངས་ཤིང་གླགས་པ་ལས། ཁྱོད་ཀྱིས་ཆོས་བསྟན་པས་འཁོར་བའི་མཐར་ཕྱིན་པར་གྱུར་ཏོ་ཞེས་སྨྲས་སོ།། དེ་ནས་བཅོམ་ལྡན་འདས
134a3 ཀྱིས་དགེ་སློང་མ་ཨུད་པ་ལས་ནི་ལེགས་པར་བསྟན་ཏོ། ། གང་ཆོས་སྟོན་པ་ནི་གཅིག་གིས་གཅིག་བསྟན་ཏེ་འབྲས་བུ་ཐོབ་ན། སངས་རྒྱས་ཀྱི་སྲས་ཡང་དག་པ་ཞེས་བསྔགས་སོ།། དེ་སྐད
134a4 ཅེས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའ་འོ། ། དགེ་སློང་མ་ཨུད་པ་ལའི་ལེའུ་སྟེ་ཉི་ཤུ་ལྔ་པའོ།། །། ཤུ་དོ་ལ་གར་ནེའི་ལེའུའོ།།
134a5 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་འོད་མའི་ཚལ་ན་བཞུགས་སོ།། དེའི་ཚེ་ཚེ་དང་ལྡན་པ་ཀུན་དགའ་བོ་འདུག་པ་ལས་ལངས
134a6 ནས་གོས་ཚགས་བཅོས་ཏེ་པུས་མོ་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀོའུ་དི་ནྱ་ལ་སོགས་པ་དགེ་སློང་རྟེན་ལྔ་པོ་འདི་ཅིའི་རྒྱུ་ཅིའི་རྐྱེན་གྱིས
134a7 བཅོམ་ལྡན་འདས་ཀྱིས་འཇིག་རྟེན་དུ་ཆོས་ཀྱི་འཁོར་ལོ་བསྐོར་མ་ཐག་ཏུ་ཆོས་ཀྱི་བདུད་རྩི་སྔར་མྱོང་བ་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དགེ་སློང
iiif viewer powered by OpenSeadragon
