| e-texts navigator |
| Wylie |
132b1 དུས་ལ་བབ་པར་མཁྱེན་ནས་བཞེངས་ཏེ་ཁོ་མོ་བསུའོ། ། ཁོ་མོ་སྒྲེན་མོར་འདུག་པ་ངོ་ཚ་སྟེ། ལག་པས་ནུ་མ་བཀབ་ནས་ས་ལ་འདུག་གོ། དེ་ནས་བཅོམ་ལྡན་འདས་ཀྱིས་ཀུན་དགའ
132b2 བོ་ལ་བཀའ་སྩལ་པ། བུད་མེད་འདི་ལ་གོས་སྐོན་ཞིག་ཅེས་བཀའ་སྩལ་པ་དང་། ཁོ་མོས་གོས་གྱོན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བདག་ལ
132b3 ཐུགས་བརྩེ་བར་དགོངས་ནས། བདག་རབ་ཏུ་འབྱུང་བར་གནོང་ཞིག་ཅེས་གསོལ་པ་དང་། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་ཏེ། བུད་མེད་འདི་སྐྱེ་དགུའི་བདག
132b4 མོ་ལ་གཏོད་དེ། རབ་ཏུ་ཕྱུང་ཞིག་ཅེས་བཀའ་སྩལ་ཏོ།། དེ་ནས་སྐྱེ་དགུའི་བདག་མོས་ཁོ་མོ་རབ་ཏུ་ཕྱུང་ནས། ཁོ་མོ་ལ་བདེན་པ་བཞི་པོའི་ཆོས་བསྟན་ནས། ཁོ་མོས་ཐོས་མ་ཐག་ཏུ
132b5 བརྩོན་འགྲུས་སུ་ནན་ཏན་བྱས་པས་དགྲ་བཅོམ་པ་ཐོབ་སྟེ། འདས་པ་དང་། མ་འོངས་པ་དང་། ད་ལྟར་གྱི་བྱ་བ་ཀུན་རྟོགས་པར་གྱུར་ཏོ།། དགེ་སློང་མ་རྣམས་ཀྱིས་ཡང
132b6 སྨྲས་པ། སྔོན་ལས་ཅི་བགྱིས་ན་དེ་ལྟ་བུའི་རྣམ་པར་སྨིན་པ་མྱོང་བ་སྟོན་ཅིག་ཅེས་སྨྲས་པ་དང་། དགེ་སློང་མ་ཨུད་པ་ལས་ཁྱེད་རྟག་པར་ཉོན་ཅིག། ཁྱེད་ལ་བསྟན་ཏོ་ཞེས་སྨྲས་སོ།། སྔོན
132b7 འདས་པའི་དུས་ཡུན་རིང་པོ་ཞིག་ན། ཁྱིམ་བདག་ཤིན་ཏུ་ཕྱུག་པ་ཞིག་ལ་བུ་མེད་པ་ལས་ཆུན་མ་ཞིག་བླངས་ཏེ། ཆུན་མ་དེ་ལ་ཤིན་ཏུ་བྱམས་པས། རིང་པོ་མ་ལོན་པར་ཆུན་མ་དེ་སེམས
iiif viewer powered by OpenSeadragon
