| e-texts navigator |
| Wylie |
132a1 བཞིན་དུ་རུང་ངོ་ཞེས་སྨྲས་སོ། ། ཁྱོ་ཤུག་ཏུ་འདུས་ནས་རིང་པོ་མ་ལོན་པར་ཁྱིམ་བདག་ནད་ཀྱིས་བཏབ་སྟེ་ཚེ་འཕོས་ནས། དེའི་ཚེ་ན་ཡུལ་ཆོས་ཀྱིས་གསོན་པའི་ཚེ།
132a2 ཁྱོ་ཤུག་མངའ་བ་རྣམས་ཁྱི་ཚ་འཕོས་ན། ཆུང་མ་ཡང་གསོན་པོར་དང་ལྷན་ཅིག་ཏུ་དུར་དུ་འདུག་གོ།། ཁོ་མོ་ཡང་དེ་ལྟར་དུར་དུ་བཅུག་ནས། ནུབ་མདུར་རྒན་འོངས་ཏེ་དུར་བུས་པ་དང་།
132a3 རྐུན་གྱི་དཔོན་པོས་ཁོ་མོ་བཟང་བར་མཐོང་བས། དེས་ཀྱང་ཆུང་མར་བྱས་སོ།། རིང་པོ་མ་ལོན་པར་བརྐུར་སོང་བ་ལས། རྒྱལ་པོས་བསད་ནས་རྐུན་ཟླ་རྣམས་ཀྱིས་རུས་བུ་བཀུར་བཀུར་ཏེ
132a4 ཁོ་མོ་དང་ལྷན་ཅིག་ཡང་དུར་དུ་བཅུག་གོ། དུར་ན་ཞག་གསུམ་འདུག་འདུག་པ་ལས་སྤྱང་ཀིས་དུར་བྲུས་ནས། ཁོ་མོ་ཡང་དུར་ནས་བྱུང་སྟེ་འདི་སྙམ་དུ་བསམས་སོ།། ཁོ་མོས་སྔོན་སྡིག་པ་ཅི
132a5 ཞིག་བྱས་ན། འདི་འདྲ་བར་ལན་དུ་མ་ཤི་བ་ལས་ཕྱིར་སོས་པར་གྱུར། སྔོན་ཐོས་ན་ཤཱཀྱའི་རིགས་ཀྱི་སྲས་ཤིག་མངོན་པར་བྱང་ཆུབ་ནས། མཚན་ཡང་སངས་རྒྱས་ཞེས་བྱ་སྟེ། འདས
132a6 པ་དང་མ་འོངས་པ་ཀུན་མཁྱེན་ནོ་ཞེས་གྲགས་ན། ད་ནི་དེ་ལ་སྐྱབས་སུ་འགྲོའོ་སྙམ་བསམས་ནས། རྒྱལ་བུ་རྒྱལ་ཕྱེད་ཀྱི་ཚལ་གང་ན་བར་ལོགས་སུ་སོང་བ་དང་། རྒྱང་མ་ནས་དེ་བཞིན
132a7 གཤེགས་པ་མེ་ཏོག་གི་སྡོང་པོ་རྒྱས་པ་ལྟ་བུ་འམ། སྐར་མའི་ནང་ན་ཟླ་བ་ལྟ་བུར་མཐོང་ངོ་།། དེའི་ཚེ་ན་བཅོམ་ལྡན་འདས་ཀྱིས་ཀྱང་ཐོགས་པ་མེད་པའི་ཡེ་ཤེས་ཀྱིས་བདག་གདུལ་བའི
iiif viewer powered by OpenSeadragon
