| e-texts navigator |
| Wylie |
131b1 བུ་བཞིན་དུ་བྱམས་ཤིང་འདུག་པ་ལས། ཡང་ཀུན་ཏུ་རྒྱུ་གཅིག་གིས་ཆུང་མར་བླངས་ཏེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་པ་ལས། སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས
131b2 བུ་འབྱུང་དུ་ཉེ་བ་ན། ཁྱིམ་ཐབ་གཞན་གྱི་ཁྱིམ་དུ་ཆང་ལ་བོས་ནས། དེའི་འོག་ཏུ་བདག་བུ་བཙས་ཏེ་སྒོ་དམ་དུ་བཅད་ནས་བུ་འཆིར་བ་ལས། ཁྱིམ་ཐབ་ཆང་གིས་མྱོས་ཏེ་སྒོ་བརྡུངས་པ་དང་།
131b3 སྒོ་འབྱེད་པ་མེད་པས་ཁྲོས་ཏེ་སྒོ་བཅག་ནས་ནང་དུ་འོངས་པ་དང་། ཁོ་མོ་ཡང་བརྡེགས། བདག་གིས་བུ་བཙས་སོ་ཞེས་བྱས་ན། བུ་ཡང་བསད་དེ་མར་གྱི་ནང་དུ་བརྡོས་ནས། ཁོ་མོ་ཡང་ཟར
131b4 བཅུག་གོ། བུའི་ཤ་ཟ་མ་ཕོད་དེ་མ་ཟོས་པས། ཡང་བརྡེགས་ནས་ནན་གྱིས་ཟར་བཅུག་གོ།། ཟོས་པའི་འོག་ཏུ་ཁྱིམ་ཐབ་ཀྱང་སངས་ནས། བདག་བསོད་ནམས་མེད་ཅིང་ལས་ངན་ནོ་སྙམ
131b5 བསམས་ནས། ཁྱིམ་ཐབ་དོར་ཏེ་ཡུལ་བཱ་རཱ་ནཱ་སེར་བྲོས་སོ།། ཡུལ་བཱ་རཱ་ནཱ་སེའི་ཕྱི་རོལ་ན་ཤིང་ཞིག་གི་དྲུང་ན་འདུག་པ་ལས། གྲོང་དེའི་ཁྱིམ་ཐབ་གཞོན་ནུ་ཞིག་གསར་དུ་ཆུང་མ་ཚེ
131b6 འཕོས་ནས། གྲོང་ཁྱེར་དེའི་ཕྱི་རོལ་ཏུ་ཆུང་མའི་རུས་བུ་སྦས་ནས། ཁྱིམ་བདག་དེ་ཆུང་མ་དེ་ལ་ཆགས་པས། རུས་བུའི་དྲུང་ན་ངུ་ཞིང་འདུག་པ་ལས། བདག་གི་དྲུང་དུ་འོངས་ཏེ། ཁོ་མོ
131b7 ལ་ཁྱོད་གཅིག་པུ་ཅི་བྱེད་ཅེས་དྲིས་སོ། ། ཁོ་མོས་ཀྱང་དེ་བཞིན་དུ་གཏམ་བྱས་པ་ལས། ཁྱིམ་བདག་དེས་སྐྱེད་མོས་ཚལ་དུ་ཁྲིད་དེ། ཁོ་མོ་ལ་ཆུང་མ་བྱའོ་ཞེས་སྨྲས་ནས། ཁོ་མོས་ཀྱང་དེ
iiif viewer powered by OpenSeadragon
