| e-texts navigator |
| Wylie |
130b1 བ་དང་རྒྱལ་པོའི་ཁྲིམས་ཀྱིས་གཙེ་བའི་སྡུག་བསྔལ་རྒྱུན་མི་འཆད་པར་མྱོང་སྟེ། ཚེ་འཕོས་ནས་ཕྱིར་ཡང་སོས་པ་ཙམ་དུ་ལུས་དང་སེམས་གདུངས་ཏེ། ཁྱིམ་གྱིས་གླགས་ཤིང་བཅིངས་པ་ནི
130b2 བཙོན་ར་བས་ཀྱང་དམ་མོ། ། བདག་ཀྱང་ཀུན་ཏུ་རྒྱུ་བའི་རིགས་སུ་སྐྱེས་ཏེ། ཁོ་མོའི་ཕ་མ་ཡང་རིགས་ཆེ་ཞིང་བཙུན་པས་ཁོ་མོ་ཡང་ཀུན་ཏུ་རྒྱུ་རིགས་ཆེ་བ། མང་དུ་ཐོས་པ་མཁས་པ་རིག་བྱེད
130b3 དང་ལྡན་པ་ཞིག་ལ་བག་མར་བཏང་ནས། དེའི་ཆུང་མ་བྱེད་དེ། དེའི་བུ་ཡང་ཡོད་པར་གྱུར་ཏོ།། ཕྱིས་གྱོས་སྒྱུག་ཚེ་འཕོས་པའི་འོག་ཏུ་ཁོ་མོ་ལ་སེམས་ཅན་ཡོད་པར་གྱུར་ནས། ཁྱིམ་ཐབ་ལ
130b4 འདི་སྐད་ཅེས་བྱས་སོ། ། ཁོ་མོ་ལ་སེམས་ཅན་ཡོད་དེ་ཟླ་བ་ཡང་ཚང་དུ་ཉེ། གལ་ཏེ་འདིར་བུ་བཙས་ན་བཙོག་ཅིང་མི་བཏུབ་ཀྱིས། ཁོ་མོའི་ཕ་མའི་ཁྱིམ་དུ་བཙར་འགྲོའོ་ཞེས་བྱས་ན། ཁོ་མོ་ལ
130b5 ལེགས་སོ་ཞེས་ཟེར་ཏེ། ཁྱོ་ཤུག་གཉིས་འགྲོགས་ནས་བུ་ཞིག་ཀྱང་ཁྲིད་དེ། ཕ་མ་འདོད་པར་སོང་བ་ལས། ལམ་ཕྱེད་ཙམ་དུ་ཕྱིན་པ་དང་། མངལ་མི་བདེ་བར་གྱུར་ནས། ཤིང
130b6 གཅིག་གི་དྲུང་དུ་ནམ་ཕྱེད་ཙམ་ན་བུ་བཙས་སོ། ། ཁོ་མོའི་ཁྱིམ་ཐབ་ཀྱང་ལོགས་ཤིག་ན་ཉལ་བ་ལས་མཚན་མོ་སྦྲུལ་གྱིས་ཟིན་ཏོ།། མཚན་མོ་བོས་ན་ཅང་མི་གྲག་ནས་ནམ་ལངས་ཏེ་བལྟས་ན།
130b7 ཁྱིམ་ཐབ་ཀྱང་སྦྲུལ་གདུག་པས་ཟིན་པས་ཚེ་འཕོས་ཏེ་ལུས་ཀྱང་ཞིག་པར་གྱུར་ཏོ།། དེའི་ཚེ་ན་ཁོ་མོ་འཁམས་ཏེ་ས་ལ་འགྱེལ་པ་དང་། བུ་ཆེན་པོ་ཡང་ཕ་སྦྲུལ་གྱིས་བསད་པ་མཐོང་ནས་སྐད
iiif viewer powered by OpenSeadragon
