| e-texts navigator |
| Wylie |
128b1 བསྟན་ཏོ། ། དེ་ནས་གསེར་སའི་རྒྱལ་པོ་དེ་ཡང་བཅོམ་ལྡན་འདས་ལ་རབ་ཏུ་འབྱུང་བར་གསོལ་བ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྒྲ་དང་ཁ་སྤུ་རང་བྱི
128b2 སྟེངུར་སྨྲིག་གྱོན་པའི་དགེ་སློང་དུ་གྱུར་ནས། ཆོས་ཡིད་ལ་བྱས་པས་ཟག་པ་ཟང་དེ་དགྲ་བཅོམ་པར་གྱུར་ཏོ།། དེ་ནས་ཀུན་དགའ་བོས། བཅོམ་ལྡན་འདས་ལ་གསོལ་པ། གསེར
128b3 སའི་རྒྱལ་པོ་འདིས་སྔོན་བསོད་ནམས་ཅི་བགྱིས་ན། འདི་ལྟར་རིགས་ཆེ་ཞིང་མཐོ་ལ་ཡོན་ཏན་འཕགས་པར་ཆེ་ཞིང་། སངས་རྒྱས་བཅོམ་ལྡན་འདས་དང་ཕྲད་ནས་དེ་མ་ཐག་ཏུ་ཟག་པ་ཟད་པར་གྱུར། བཅོམ
128b4 ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སེམས་ཅན་དག་ནི་སྤྱོ་བཞིན་དུ་ལས་ཀྱི་འབྲས་བུ་རྣམ་པར་སྨིན་པར་གྱུར་ཏོ།། སྔོན་འདས་པའི་དུས་ན་སངས་རྒྱས་འོད་སྲུངས་འཇིག་རྟེན
128b5 དུ་གཤེགས་ཏེ། སངས་རྒྱས་དེ་མྱ་ངན་ལས་འདས་ནས། ཁྱིམ་བདག་གཅིག་གིས་མཆོད་རྟེན་བརྩིགས་ཏེ་དགེ་འདུན་གྱི་གནས་ཁང་བྱས་ནས། འཚོ་བའི་ཡོ་བྱད་རྣམ་པ་བཞི་ཡང་སྦྱར་ཏེ། ཡུན
128b6 རིང་པོ་ཞིག་ལོན་པ་དང་། མཆོད་རྟེན་དེ་ཡང་ཞིག། འཚོ་བའི་ཡོ་བྱད་ཁྲི་སྟན་དང་། གོས་དང་། ཁ་ཟས་ཀྱང་རྒྱུན་ཆད་པར་གྱུར་ཏོ།། དེ་ནས་ཁྱིམ་བདག་དེ་ལ་བུ་དགེ་སློང་ཞིག་ཡོད་པ་དེས་མི་མང
128b7 པོ་ལ་ཆོས་བཤད་དེ། ཕྱིར་ཡང་མཆོད་རྟེན་གསོས་ནས། གོས་དང་། མལ་ཆ་དང་། བཟའ་བ་དང་། བཏུང་བ་དང་། ཁྲི་སྟན་ལ་སོགས་པ་འཚོ་བའི་ཡོ་བྱད་སྦྱར་ཏོ།། མི་དེ་དག་ཀྱང་སེམས
iiif viewer powered by OpenSeadragon
