| e-texts navigator |
| Wylie |
128a1 ཅིང་ཆོས་ཐོས་པས། ཐམས་ཅད་ཁ་ཟས་ཀྱིས་འགྲངས་པར་གྱུར་ཏེ། ལུས་དང་སེམས་ལ་གདུང་བ་མེད་ཅིང་སིམ་པར་གྱུར་ནས། ཐམས་ཅད་སྙིང་རྗེའི་སེམས་སྐྱེས
128a2 ཏེ། སངས་རྒྱས་ལ་བསྙེན་བཀུར་བྱས་པས་ཡི་དགས་ལས་རྣམ་པར་གྲོལ་ནས་ལྷ་དང་མིར་སྐྱེས་སོ།། དུད་འགྲོའི་སྐྱེ་གནས་སུ་གཏོགས་པའི་སེམས་ཅན་རྣམས་ནི། སངས་རྒྱས་ཀྱི་འོད་གཟེར་རོ
128a3 མཐོང་བས་འདོད་ཆགས་དང་ཞེ་སྡང་གི་སེམས་ཞི་སྟེ། གཏི་མུག་གིས་ལྡོངས་པ་ཡང་སད་པར་གྱུར་ནས། ཐམས་ཅད་སངས་རྒྱས་ལ་དགའ་ཞིང་དད་པས་དུད་འགྲོ་ལས་རྣམ་པར་གྲོལ་ཏེ་ལྷ་དང་མིར
128a4 སྐྱེས་སོ། ། སེམས་ཅན་དམྱལ་བའི་སེམས་ཅན་ལ་སངས་རྒྱས་ཀྱི་འོད་གཟེར་གྱིས་རེག་པས། གྲང་བ་ནི་དྲོ་བར་གྱུར། དྲོ་བ་ནི་གྲང་བར་གྱུར། སྡུག་བསྔལ་གྱིས་གདུངས་པ་ཡང་རྒྱུན་ཆད་པར་གྱུར་ཏེ།
128a5 ལུས་དང་སེམས་རབ་ཏུ་དགའ་བས་སངས་རྒྱས་ལ་དད་པར་གྱུར་ཏེ། སེམས་ཅན་དམྱལ་བ་ལས་ཐར་ནས་ལྷ་དང་མིར་སྐྱེས་སོ།། དེའི་ཚེ་ན་རྒྱལ་པོ་ཀ་པི་ན་ཆེན་པོ་དང་། གསེར་སའི་རྒྱལ་ཕྲན་རྣམས
128a6 ཀྱིས་རྫུ་འཕྲུལ་འདི་ལྟ་བུ་དག་མཐོང་བས། ཤིན་ཏུ་དད་པའི་སེམས་ཀྱིས་བབས་ཤིང་དད་པས་རྡུལ་དང་བྲལ། དྲི་མ་དང་བྲལ་ཏེ། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། རྒྱལ་ཕྲན
128a7 ཁྲི་བརྒྱད་སྟོང་རྣམས་ཀྱང་སེམས་ཚིམ་པར་གྱུར་ཏོ། ། དེ་མ་ཐག་ཏུ་སངས་རྒྱས་ཀྱི་རྫུ་འཕྲུལ་བསྡུས་ཏེ། ཕྱིར་ཡང་སངས་རྒྱས་ཀྱི་སྐུར་དགེ་སློང་གི་དགེ་འདུན་གྱིས་མདུན་དང་རྒྱབ་ཏུ་བསྐོར་ཏེ་བཞུགས་པར
iiif viewer powered by OpenSeadragon
