| e-texts navigator |
| Wylie |
126b1 གྱི་ཤིང་དཀྲིགས་ཏེ། ཁ་དོག་རྣམ་པ་སྣ་ཚོགས་ཀྱི་པདྨ་གྲངས་མེད་པ། ལྷམ་མེ། ལྷང་ངེ། ལྷན་ནེར་འཚེར་བ་དང་། ར་བའི་ནང་ན་རིན་པོ་ཆེ་སྣ་ཚོགས་ལས་བྱས་པའི་ཕོ་བྲང་ན། རྒྱལ
126b2 བོཔོ་ཤིན་ཏུ་བྱིན་ཆེ་བར་བཞུགས་པར་སྤྲུལ་ཏོ། ། ཕོ་ཉད་དེ་སྤྲུལ་པའི་ཕོ་བྲང་དུ་འོངས་ནས། རྒྱལ་པོ་ཆེན་པོ་མཐོང་བ་ཙམ་གྱིས་འཇིགས་སྐྲག་པར་གྱུར་ཏེ། འདི་སྐད་དུ་བདག་གི་རྒྱལ་པོའི
126b3 བྱིན་དང་བསོད་ནམས་ཀྱིས་ནི་འདི་ལ་མི་ཐུབ་ན། འོན་ཀྱང་སྤང་བའི་ཡི་གེ་དབུལ་ལོ་སྙམ་ནས་ཡི་གེ་ཕུལ་ལོ།། འཕྲུལ་གྱི་རྒྱལ་པོས་ཡི་གེ་བླངས་ནས་རྡོག་པའི་འོག་ཏུ་བཅུག་སྟེ། ཕོ་ཉ་ལ
126b4 འདི་སྐད་ཅེས་བཀའ་སྩལ་ཏོ། ། ང་ནི་རྒྱལ་པོ་ཆེན་པོ་སྟེ་གླིང་བཞི་ལ་དབང་བ་ཡིན་ན། ཁྱོད་ཀྱི་རྒྱལ་པོ་གླེན་པ་དེ་ཅིའི་ཕྱིར་བཀའ་མི་ཉན་ཁྱོད་མྱུར་དུ་ཕྱིར་སོང་ལ་ངས་འདི་སྐད་ཅེས་བཀ
126b5 སྩལ་ཏོ་ཞེས་གྱིས་ཤིག། ཁྱོད་ཀྱི་ཕོ་ཉ་ཕྱིར་འོངས་ནས། ངའི་བཀའ་ཐོས་པ་ཙམ་གྱིས་གལ་ཏེ་ཉལ་བ་ལས་ཐོས་ན་ལྡང་བའི་རིགས། འདུག་པ་ལས་ཐོས་ན་འགྲེང་བའི་རིགས། འགྲོ
126b6 བ་ལས་ཐོས་ན་རྒྱུག་པའི་རིགས་ཀྱིས། ང་སྟེ་ཞག་བདུན་ན་འདིར་ཕྱག་འཚལ་དུ་མ་འོངས་ཏེ་བཀའ་བཅག་པར་གྱུར་ན་ཁྲིམས་དང་སྦྱར་རོ་ཞེས་གྱིས་ཤིག། ཕོ་ཉ་དེས་བཀའ་སྩལ་པ་བཞིན
126b7 དུ་ཕྱིར་སོང་ནས། བདག་གི་ཡུལ་དུ་ཕྱིན་པ་དང་། གསེར་སའི་རྒྱལ་པོ་ལ་ཅི་མཐོང་བ་དང་། ཅི་སྤྲིང་བ་རྒྱས་པར་གསོལ་ཏོ།། རྒྱལ་པོས་དེ་སྐད་ཅེས་སྤྲིང་བ་ཐོས་ནས་འགྱོད་པར་གྱུར
iiif viewer powered by OpenSeadragon
