| e-texts navigator |
| Wylie |
125a1 དགེ་བའི་སྡིག་པའི་ཆོས་ནི་མི་བྱ་བའི་རིགས་པ་ཡང་བསྟན། འཕགས་པའི་བདེན་པ་བཞི་ཡང་རྒྱས་པར་བསྟན་པས། འཁོར་མང་པོ་རྣམས་ཀྱིས་ཐོས་ནས་ཐམས་ཅད།
125a2 ཀྱིས་འབྲས་བུ་ཐོབ་པ་འགྱུར་ཏོ།། བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་འོ།། བློན་པོ་རི་དགས་ཀྱི་བུ་བདུན་གྱི་ལེའུ་སྟེ་ཉི་ཤུ་གསུམ་པའོ།།
125a3 ། བམ་པོ་བདུན་པ།། ། ཀ་བི་ན་ཆེན་པོའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
125a4 འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ཡུལ་དེའི་རྒྱལ་པོ་གསལ་རྒྱལ་ཞེས་བྱའོ།། དེའི་ལྷོ་ཕྱོགས་ན་ཡུལ་གསེར
125a5 གྱིས་ཞེས་བྱ་བ་ཞིག་ཡོད་དེ། རྒྱལ་པོ་ནི་ཀ་པི་ན་ཞེས་བྱའོ།། རྒྱལ་པོ་དེའི་སྲས་རྒྱལ་ཚབ་ནི་ཀ་པི་ན་ཆེན་པོ་ཞེས་བྱའོ།། རྒྱལ་པོ་ཡབ་ནོངས་ནས། སྲས་རྒྱལ་ཚབ་རྒྱལ་སར་གཤེགས
125a6 ཏེ། དེ་ཡང་རང་བཞིན་གྱིས་ཡིད་གཞུངས་ལ་བློ་གསལ་ཏེ། དཔའ་ཞིང་མཐུ་རྩལ་ཆེན་པོ་དང་ལྡན་ནོ།། དེ་ལ་དམག་གི་ཚོགས་སྟོང་ཕྲག་སུམ་ཅུ་རྩ་དྲུག་ཡོད་དེ། དམག་དེ་དག་གར
125a7 བབ་ཀྱང་རླུང་ཆེན་པོ་དང་འདྲ་བར་ཕས་རྒོལ་བ་མི་ཐུལ་བ་མེད་དེ། ཡུལ་གྱི་དབུས་ཀྱི་རྒྱལ་པོ་དང་ནི་མ་འགྲུལ་ཏོ།། ཕྱིས་ཚོང་པ་དག་ཅིག་ཡུལ་གསེར་སར་ཕྱིན་ནས། རས་འཇམ་པོ
iiif viewer powered by OpenSeadragon
