| e-texts navigator |
| Wylie |
124b1 འདིའི་དབང་གིས་བསོད་ནམས་ཀྱི་ལས་བསྐྱེད་པར་གྱུར་ཏོ། ། གང་ནས་གང་དུ་སྐྱེས་ཀྱང་ཆོ་རིགས་མཐོ་ཞིང་བཙན་ཕྱུག་པ་དང་། ལོངས་སྤྱོད་དང་ལྡན་པ་དང་། རྒན་མོ་འདི་ཡང་རྟག་ཏུ་བདག།
124b2 ཅག་གི་མར་གྱུར་ཏེ། བདག་ཅག་ཀྱང་འདིའི་བུར་གྱུར་པ་དང་། རྟག་ཏུ་སངས་རྒྱས་དང་། ཆོས་ཐོས་པ་དང་མི་འབྲལ་ཏེ། འབྲས་བུ་ཡང་མྱུར་དུ་ཐོབ་པར་ཤོག་ཅིག་ཅེས་སྨོན་ལམ་བཏབ་བོ།།
124b3 རྒན་མོས་ཀྱང་དེ་བཞིན་དུ་གྱུར་ཅིག་ཅེས་སྦས་པས། ཚེ་རབས་ལྔ་བརྒྱའི་བར་དུ་མ་རིགས་མཐོ་ཞིང་བཙུན་པར་གྱུར་ཏོ།། དེའི་མངོའི་དུས་ནརྒན་མོང་ནི་ད་ལྟར་ཁྱེའུ་དེ་དག་གི་མ་ཡིན་ནོ།། དཿ
124b4 དུས་ན་མི་སུམ་ཅུ་རྩ་གཉིས་པོ་ནི་ཁྱེའུ་སུམ་ཅུ་རྩ་གཉིས་པོ་ཡིན་ནོ། ། དེའི་ཚེ་དམག་གི་དཔུང་རྣམས་སངས་རྒྱས་ཀྱིས་གསུངས་པ་ཐོས་ནས་ཞེ་སྡང་གི་སེམས་ཞི་སྟེ། འདི་སྐད་དུ་རྒྱལ་པོ་ཆེན་པོས
124b5 ཀྱང་མ་ཉེས་ཀྱི། མི་འདི་དག་གི་སྔོན་གྱི་འབྲས་བུ་རྣམ་པར་སྨིན་པ་སྟེ། བ་གླང་གཅིག་བསད་པ་ཙམ་གྱིས་འདི་ལྟ་བུར་གྱུར་ཏོ།། རྒྱལ་པོ་རབ་གསལ་རྒྱལ་འདི་ནི་བདག་ཅག་གི་ཇོ་བོ
124b6 ཡིན་ནོ། ཅིའི་ཕྱིར་འདི་ལ་འཁུ་ཞིང་གནོད་པར་སེམས་ཞེས་སྨྲས་ནས། མཚོན་ཆ་བོར་ཏེ་རྒྱལ་པོ་ལ་བབས་ནས་ཉེས་པ་བཤགས་པས། རྒྱལ་པོས་ཀྱང་གྱོད་མ་རྨས་པར་བཏང་ངོ་།།
124b7 དེའི་ཚེ་བཅོམ་ལྡན་འདས་ཀྱིས་སྔོན་བྱུང་བ་འདི་དང་། གླེང་གཞི་འདིས་འཁོར་བཞི་པོ་ལ་དམ་པའི་ཆོས་རྒྱས་པར་བསྟན་ཏོ།། དགེ་བའི་ལས་ནི་བརྩོན་འགྲུས་སུ་བྱ་བའི་རིགས་དང་། མི
iiif viewer powered by OpenSeadragon
