| e-texts navigator |
| Wylie |
123b1 ལེགས་པར་ཉོན་ལ་ཡིད་ལ་ཟུང་ཞིག་ཅེས་བཀའ་སྩལ་ནས། ཀུན་དགའ་བོས་ཀྱང་དེ་བཞིན་དུ་བགྱིའོ།། ཐོས་པར་འཚལ་ལོ་ཞེས་གསོལ་ཏོ།། བཅོམ་ལྡན་འདས་ཀྱིས། ཀུན་དགའ
123b2 བོ་ལ་བཀའ་སྩལ་པ། སྔོན་འདས་པའི་དུས་ན་མི་སུམ་ཅུ་རྩ་གཉིས་པོ་འདི་གཅིག་ལ་གཅིག་དགའ་ཞིང་བཤེས་པ་དང་། ཡིད་གཅུགས་པར་གྱུར་ནས། དེ་དག་གྲོས་མཐུན་པར་ཕ་རོལ་གཞན
123b3 གྱི་བ་གླང་གཅིག་བརྐུས་སོ། ། དེའི་ཚེ་ཡུལ་དེ་ན་རྒན་མོ་དབུལ་མོ་བུ་ཚ་ཡང་མེད་པ་གཅིག་ཡོད་དོ།། བ་གླང་རྐུ་བའི་རྣམས་རྒན་མོ་དེའི་ཁྱིམ་དུ་ཁྲིད་དེ་འོངས་ནས། བསད་པར་བྱས་པ་དང
123b4 རྒན་མོ་ཡང་དགའ་རངས་ནས། ཤིང་ལ་སོགས་ཏེ་ཤ་འཚེད་པའི་ཡོ་བྱད་སྦྱར་ཏོ།། མི་དེ་དག་གིས་དེར་བ་གླང་གསོད་པ་ན། བ་གླང་དེ་ཡང་གསོད་པར་ཤེས་ནས་མདུད་པར་བཟུང་སྟེ།
123b5 ཁྱེད་ཀྱིས་དང་བསད་པས་ན་མ་འོངས་པའི་དུས་སུ་ཡང་། ཇི་སྟེ་འབྲས་བུ་ཐོབ་ན་ཡང་མི་གཏང་སྟེ། གསོད་པར་ཤོག་ཅིག་ཅེས་དམ་བཅས་མ་ཐག་ཏུ་བ་གླང་དེ་མི་རྣམས་ཀྱིས་བསད་ནས
123b6 ཁ་ཅིག་ནི་བཅོས་ཁ་ཅིག་ནི་བསྲེགས་ཏེ་ཟོས་རྒན་མོ་ཡང་བ་གླང་གི་ཤས་འགྲངས་ནས་རབ་ཏུ་དགའ་སྟེ། སྔན་ཆད་ཀྱང་དེ་ལྟ་བུའི་མགྲོན་ཅིག་འོངས་ན། དེང་ལས་ཕན་ཐོགས་པ
123b7 ནི་མེད་དོ་ཞེས་སྨྲས་སོ། ། དེའི་ཚེ་དེའི་དུས་ན་བ་གླང་དེ་ནི་རྒྱལ་པོ་རབ་གསལ་རྒྱལ་ཡིན་ནོ།། དེའི་དུས་ན་བ་གླང་རྐུ་བ་ནི་ལྷ་འཚམས་མའི་བུ་སུམ་ཅུ་རྩ་གཉིས་པོ་ཡིན་ནོ།། དེའི་ཚེ་ན་རྒན་མོ་ཁྱིམ
iiif viewer powered by OpenSeadragon
