| e-texts navigator |
| Wylie |
123a1 གྱི་འདི་སྐད་དུ་ཀྱེ་མ་མི་གཅིག་སྐྱེས་པ་ལ་ཚེ་ཟད་པ་ཡོད་དེ་རིང་པོར་མ་ཐོགས་སོ། ། ང་ཡང་རྒྱུད་ལྔ་གང་དུ་སྡུག་བསྔལ་མྱོང་བར་གྱུར་ཅེས་སྨྲས་སོ།། ཁྱེའུ་སུམ་ཅུཿ།
123a2 གཉིས་ཀྱི་མའི་རིགས་སུ་ཉེ་བ་རྣམས་དེ་ལྟར་གྱུར་པ་ཐོས་ནས་ཤིན་ཏུ་མི་དགའ་སྟེ། ཞེ་སྡང་སྐྱེས་ནས་འདི་སྐད་དུ་རྒྱལ་པོ་ཆེན་པོ་ནི། འདི་ལྟར་མི་མཉེས་པ་ཀུན་བསད་ཀྱིས། དམག་བསོག
123a3 ལ་དགྲ་བྱ་བར་འདོང་ངོ་ཞེས་སྨྲས་ནས། དམག་གི་དཔུང་བསགས་ཏེ་རྒྱལ་པོའི་ཕོ་བྲང་བསྐོར་རོ།། དེའི་ཚེ་ན་རྒྱལ་པོ་དེ་སྐྲག་ནས། སངས་རྒྱས་གང་ན་བར་བྲོས་སོ།། དེ་དག་གིས་དེ་སྐད
123a4 ཅེས་ཐོས་ནས། དམག་གི་དཔུང་གིས་རྒྱལ་བུ་རྒྱལ་བྱེད་ཀྱི་ཚལ་ཡང་བསྐོར་རོ།། དེའི་ཚེ་ན་ཀུན་དགའ་བོས་རྒྱལ་པོ་རབ་གསལ་རྒྱལ་གྱིས། ལྷ་འཚམས་མའི་བུ་སུམ
123a5 ཅུ་རྩ་གཉིས་བསད་དེ། མའི་རིགས་སུ་གཏོགས་པ་རྣམས་ཀྱིས་ཤ་གཉེར་དུ་འོངས་སོ་ཞེས་ཐོས་ནས། པུས་མོ་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད
123a6 ཅེས་གསོལ་ཏོ། ། བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས། མི་སུམ་ཅུ་རྩ་གཉིས་རྒྱལ་པོས་ཅིག་ཅར་དུ་བཀུམ་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ།
123a7 ལྷ་འཚམས་མའི་བུ་སུམ་ཅུ་རྩ་གཉིས་པོ་འདི་དང་འབའ་ཞིག་ཏུ་རྒྱལ་པོས་ཅིག་ཅར་དུ་བསད་པར་མ་ཟང་ངོ་དོ།། མི་སུམ་ཅུ་རྩ་གཉིས་པོ་ཅིའི་ཕྱིར་ཅིག་ཅར་ཚེ་འཕོས་པ་ཁྱོད་ལ་རྒྱས་པར་བསྟན་གྱིས
iiif viewer powered by OpenSeadragon
