| e-texts navigator |
| Wylie |
122b1 ཟས་མེད་པའི་རྐྱེན་གྱིས་བསོད་སྙོམས་བགྱིད་དོ། ། བསོད་སྙོམས་ལ་དུས་མ་མཆིས་ཏེ། གལ་ཏེ་འཕྱིས་སམ། འདོད་པ་མ་རྙེད་ན་ནད་པ་ཞེ་སྡང་སྐྱེས་ཏེ། ནད་འཚོ་བར་དཀའ
122b2 བས་དེ་ལ་ཡང་ཁ་ཟས་དབུལ་བར་འཚལ་ལོ། ། ཤུལ་རིང་པོ་ནས་མཆིས་པའི་དགེ་སློང་ཡུལ་མ་འདྲིས་ཏེ། བཤེས་མ་མཆིས་པས་བསོད་སྙོམས་བགྱིད་དོ།། བསོད་སྙོམས
122b3 བགྱིད་པ་ན། ཁྱི་འམ་མ་རུངས་པས་གཙེས་ཏེ། ཞེ་སྡང་སྐྱེས་ན་བཟོད་པ་ཉམས་པར་འགྱུར་བས། དེ་ལ་ཡང་ཁ་ཟས་དབུལ་བར་འཚལ་ལོ།། དགེ་སློང་འགྲོན་དུ་མཆི་བ་གྲོགས་དང་ལྡན
122b4 ཡང་ལམ་བརྒྱགས་མ་མཆིས་པས་གྲོགས་དང་བྲལ་ན། ཤུལ་དུ་གཅན་གཟན་མང་པོ་འམ། མི་རྒོད་མ་རུངས་པ་མཆིས་ཏེ། གཅིག་པུ་སོང་ན་དེ་ཡང་ལུས་ཀྱི་བར་ཆད་དུ་འགྱུར་བས།
122b5 དེའི་དགོས་པ་ཡང་སྦྱར་བར་འཚལ་ལོ།། དེའི་ཚེ་བཅོམ་ལྡན་འདས་ཀྱིས་ལྷ་འཚམས་མས་གསོལ་བ་བཞི་པོ་གསན་ནས། ཤིན་ཏུ་ལེགས་སོ་ཞེས་བསྔགས་ཏེ། ཁྱོད་ཀྱིས་གསོལ་བ
122b6 བཞི་པོ་འདིའི་བསོད་ནམས་རྒྱ་ཆེན་པོ་ནི། སངས་རྒྱས་ལ་མཆོད་པ་བྱས་པ་དང་ཐ་མི་དད་དོ་ཞེས་བཀའ་སྩལ་ནས། དགེ་འདུན་དང་བཅས་ཏེ་སླར་རྒྱལ་བུ་རྒྱལ་བྱེད་ཀྱི་ཚལ་དུ་གཤེགས་སོ།། །
122b7 བཅོམ་ལྡན་འདས་སླར་གཤེགས་པའི་འོག་ཏུ་སྒོམ་ཕྱེ་བ་བལྟས་ན། བུའི་མགོ་སུམ་ཅུ་རྩ་གཉིས་ཡོད་པ་མཐོང་ནས། འདོད་པ་དང་བྲལ་བའི་ཕྱིར་མི་དགའ་བས་གདུངས་པར་ནི་མ་གྱུར
iiif viewer powered by OpenSeadragon
