| e-texts navigator |
| Wylie |
117b1 སྲོག་དང་བྲལ་བ་ལས་མནའ་མ་འདིས་ལན་གཉིས་ཀྱི་བར་དུ་ཐར་པར་བྱས་སོ་སྙམ་བསམས་ནས། ཆས་ཏེ་སོང་བ་ལས་ཡུལ་དུ་ཕྱིན་ཏོ།། དེ་ནས་གཉེན་པ་རྣམས་ལྷགས་ཏེ། དགའ་བའི་གཏམ
117b2 བྱས་ནས་སྟོན་མོ་ཆེན་པོ་བྱས་ཏེ། ཉི་མ་གཅིག་གི་བར་དུ་དགའ་བའི་རྩེད་མོ་བྱས་སོ།། མགྲོན་ཀུན་གྱེས་པའི་འོག་ཏུ་མནའ་མ་རྣམས་བཀུག་སྟེ་འདི་སྐད་ཅེས་བསྒོའོ།། ཁོ་བོ་ནི་ན་སོ་རྒས་ཏེ་ལས་རྣམས་ཀྱིས
117b3 སྐྱོན་མནའ་མ་ཁྱེད་ལ་ཁྱིམ་གྱི་ལས་དང་ནོར་རྫས་ཀྱི་མཛོད་རྣམས་གཏད་དགོས་ན། ཁྱེད་གང་གིས་བང་མཛོད་ཀྱི་ལྡེ་མིག་བཅང་བར་བྱ་ཞེས་དྲིས་ན། མནའ་མ་ཆེན་མོ་དྲུག་ཆར་གྱིས་མི་ནུས་སོ་ཞེས
117b4 གསོལ་ན། ནངས་ཀྱི་ཆུང་ངུས་ནི་བདག་གིས་ནུས་སོ་ཞེས་གསོལ་ཏོ།། དེ་ནས་ཁྱིམ་བདག་གིས་ཀྱང་བང་མཛོད་ཐམས་ཅད་ཀྱི་ལྡེ་མིག་གཏད་ཏེ། མནའ་མས་ཀྱང་དེ་བཞིན་དུ་ཉམས་སུ་བླངས
117b5 ནས་ནང་པར་ནི་སྔར་ལངས་ཤིང་ཁང་པའི་ནང་ཀུན་ཕྱག་བ་དར་བྱས་ནས། ཆག་ཆག་གིས་བཏབ་བོ།། དེ་ནས་ཁ་ཟས་ཀྱི་གཡོས་བྱས་ནས། སྔར་གྱོས་སྐྱུག་ལ་སོགས་པ་ཆེ་རིམ་གྱིས་ཟན་བྱིན
117b6 ནོ། དེའི་འོག་ཏུ་བྲན་ཁོལ་དང་ལས་བྱེད་རྣམས་ལ་ཟན་བྱིན་ནས། སོ་སོར་ལས་ལ་བཙུད་དེ། གཟོད་བདག་ཟན་ཟའོ།། རྟག་ཏུ་དེ་འདྲ་བར་བྱེད་པས། གྱེས་པོས་ཀྱང་བདག་གི་མནའ
117b7 མ་འདི་ནི་གཞན་དང་མི་འདྲ་སྟེ། ཐ་མལ་བ་ནི་མ་ཡིན་ན། ཅིའི་ཕྱིར་བུ་མོ་བདག་གི་མས་བསྒོ་བ་ལྟར་མི་བྱེད་སྙམ་ནས། འདི་སྐད་ཅེས་སྨྲས་སོ།། ཁྱོད་ཁྱིམ་ནས་ཆས་པའི་ཚེ། ཁྱོད
iiif viewer powered by OpenSeadragon
