| e-texts navigator |
| Wylie |
116a1 བྲམ་ཟེས་སྨྲས་པ། འོ་ན་ཅིའི་ཕྱིར་གོས་དང་བཅས་སུ་ཆུལ་འབོག། བུ་མོས་སྤྲས་པ། བུད་མེད་ཀྱི་ལུས་ལ་མཚན་བཟང་པོ་དང་ངན་པ་ཡོད་པས། གོས
116a2 བརྫེས་ཏེ་ཆུར་ཞུགས་ན་གཞན་གྱིས་མཐོང་སྟེ། མཚན་བཟང་ན་ནི་ཅང་མི་ཟེར་གྱི། མཚན་ངན་ན་འཕྱ་བར་འགྱུར་བས། བདག་གིས་གོས་མ་བརྫེས་པ་ཡིན་ནོ།། བྲམ་ཟེས་སྤྲས་པ།
116a3 འོ་ན་ཁྱོད་ཅིའི་ཕྱིར་གཅིག་པུ་ཤིང་ཁར་མི་འཇོག། བུ་མོས་སྨྲས་པ། གལ་ཏེ་ཤིང་ཁར་འཛེགས་ན། ཤིང་གི་ཡལ་ག་ཆག་གམ་ལྷུང་ན། ལུས་ལ་གནོད་པར་འགྱུར་བས་ཤིང་ཁར
116a4 མ་འཛེགས་པ་ཡིན་ནོ། ། བུ་མོ་དེ་ནི་རྒྱལ་པོ་རབ་གསལ་གྱི་གཅུང་སྟོབས་ཀྱི་གྲོགས་པོ་ཞེས་བྱ་བའི་བུ་མོ་ཡིན་ཏེ། རྒྱལ་པོའི་གཅུང་དེ་སྔོན་ཉེས་པ་ཞིག་བྱུང་བས་ཡུལ་དེ་ནས་བསྐྲང་དེ་ཡུལ
116a5 འདིར་འོངས་ནས། ལྷ་འཚམས་མ་ཆུང་མར་བླངས་པ་ལས་བཙས་པའི་བུ་མོ་ཡིན་ནོ།། བྲམ་ཟེས་སྨྲས་པ། བུ་མོ་ཁྱོད་ནི་ཤིན་ཏུ་ཡང་མཁས་ཤིང་མཛེས་མ་ཞིག་ན། ཁྱོད་ལ་ཕ་མ
116a6 ཡོད་དམ། བུ་མོས་སྨྲས་པ། ཡོད་དོ།། འོ་ན་འགྲོགས་ཏེ་ཁྱོད་ཀྱི་ཁྱིམ་དུ་འདོང་ངོ་ཞེས་སྨྲས་ནས། དེའི་སྒོར་ཕྱིན་པ་དང་། བུ་མོ་ནང་དུ་སོང་སྟེ་ཕ་མ་ལ་སྨྲས་པ། སྒོ་ན་བྲམ་ཟེ
116a7 ཞིག་ཡབ་དང་མཇལ་འཚལ་ལོ་ཞེས་མཆིའོ། ། བུ་མོའི་ཕ་སྒོར་བྱུང་ནས་གཅིག་ལ་གཅིག་བདེ་འམ་ཞེས་ནད་དྲིས་ཏེ། ད་གཟོད་ཀྱི་བུ་མོ་འདི་ཁྱོད་ཀྱི་བུ་མོ་ཡིན་ནམ་ཞེས་སྨྲས་སོ།། སྤྲས
iiif viewer powered by OpenSeadragon
