| e-texts navigator |
| Wylie |
115a1 འོད་ཀྱིས་མགོ་བྱིན་པའི་ལེའུ་སྟེ་ཉི་ཤུ་གཉིས་པའོ། ། བློན་པོ་རི་དགས་ཀྱི་བུ་བདུན་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན
115a2 བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་རྒྱལ་པོ་གསལ་རྒྱལ་ལ་བློན་པོ་རི་དགས་ཞེས་བྱ་བ་ཡོད་དེ། རབ
115a3 ཏུ་ཕྱུག་པ་ལོངས་སྤྱོད་ཆེ་བ་དེ་ལ་བུ་ཕོ་བདུན་ཡོད་དོ། ། བུ་ཕོ་དྲུག་ནི་ཆུང་མ་ལོན་གྱི། ནང་གི་བུ་ཐ་ཆུང་གཅིག་ཆུང་མ་མ་ལོན་པས་འདི་སྙམ་དུ་བསམས་སོ།། བདག་ནི་རྒས་འཁོགས་ཏེ་བུ
115a4 གཅིག་པུ་ཆུང་མ་མ་ལོན་པ་འདི་ནི་བཟང་མོ་མཆོག་གཅིག་བཙལ་ལོ་སྙམ་བསམས་ནས། དེའི་ཚེ་ན་ཁྱིམ་བདག་དེ་ལ་བྲམ་ཟེ་མཛའ་ཞིང་བཤེས་པ་ཞིག་ཡོད་དེ། དེ་དང་ཕྲད་ནས་གཏམ་དུ་གླེངས
115a5 པ་བདག་གི་བུ་ནང་གི་ཆུང་ངུ་འདི་ད་རུང་ཆུང་མ་མ་ལོན་ཏེ། སུ་ལ་ཡང་བསླང་མི་ཤེས་ན། ཁྱོད་ནི་ཡུལ་ཀུན་ཏུ་ཡང་ཕྱིན་ན། བུ་མོ་བཟང་ཞིང་མཛེས་པ། བློ་དང་ལྡན་པ། ཚེ་དང་དབང
115a6 ཐང་ཡོད་པ་ལྟ་ཅི་མཐོང་། བདག་གི་བུ་འདིའི་ཡིད་དུ་འོང་བ་ཅིག་ཁྱོད་ཀྱིས་བཙལ་དགོས་སོ་ཞེས་སྨྲས་པ་དང་། བྲམ་ཟེ་དེས་ཀྱང་དེ་བཞིན་དུ་བྱའོ་ཞེས་སྨྲས་ནས། ཀུན་ཏུ་རྒྱུ་ཞིང་འཚོལ་བ་ལས།།
115a7 ཡུལ་ཤིང་རི་ཤིག་ཏ་ཞེས་བྱ་བ་ན། བུ་མོ་ལྔ་བརྒྱ་ཞིག་འགྲོགས་ཏེ་རྩེ་བ་ལས། མེ་ཏོག་བཟང་པོ་བཏུས་ནས། སངས་རྒྱས་ལ་མཆོད་པའི་འཕྲེང་བ་བྱེད་པ་མཐོང་ངོ་།། བྲམ་ཟེ་དེས་བུ་མོ་དེ
iiif viewer powered by OpenSeadragon
